web counter
LEXO PA REKLAMA!

SHKARKO APP

App Store
Google Play

E fundit!

x

Kryetari i vjetër/LSI garë kundër Edi Ramës

5 Nëntor 2016, 11:12, Aktualitet CNA

Nesër LSI, forca e dytë qeverisëse në vend mbyll formalisht garën për kryetarin e saj. Ilir Meta pritet të fitojë me mbi 99.99% të votave dhe kjo ska asnjë dyshim. Vetë ai pritet që të urdhëroje komisionin zgjedhor të hedhin disa vota në procesverbal për rivalët e tij ?dinjitozë?.

Një show qesharak nga LSI ku fillimisht u nxitën mediat që të raportonin një garë të tupshme. Meta po tregonte se nuk ishte as Saliu e as Edi, por kishte rivalë në parti. Kjo tregoi një kompleks të Metës, sepse LSI është partia ose më mirë çeta e tij me vota shumë dhe asgje me tepër se kaq, ai shpalli një frikë të tij ndaj opinionit publik. Kërkoi ta manipulonte me një pseudo garë.

Por kjo fushatë brenda LSI kishte dhe një mesazh të qartë, i cili  u artikulua edhe nga Meta në garë, por më fort nga rivalët e tij. Mesazhi ishte për Edi Ramën. Kreu i LSI do luftojë për postin e kryeministrin dhe kjo forcë s’mund të jetë më vasale dhe do i tregojë dhëmbët  PS-së në zgjedhje. Aleati me i ri PDIU nuk mund ta trondisë Ilir Metën. Ai siç e deklaroi do jetë forcë edhe më e fortë në qeverisje ose forca kryesore e opozitës, duke e hedhur Lulzim Bashën në kosh të plehrave dhe duke kërcënuar hapur Ramën.

Ky kërcënim ishte i ndryshëm nga mesazhet e vazhdueshme të rivalëve të tij. Ata janë në garë vetëm për të sulmuar Ramën, thua  se po garojnë për kreun e PS e jo për LSI. S’kanë asnjë aleternativë, nuk thonë asnjë ide, ata janë aty vetëm për të folur kundër Ramës dhe justifikuar faktin se LSI është e pafajshme për gabimet e Edit. Ky është dhe argumenti që i çon në sulm ndaj Ramës i cili nuk e pyet aleatin më të madh. Vetëm Bashën e kanë haruar paksa.

Në fakt të dy rivalët e Metës dihet se për çfarë janë në atë garë. Thjesht për të sharë Ramën dhe shfajësuar LSI-në. Ilir Meta e bën këtë votim thjesht për reklamë e gjoja demokraci të brendshme, kur në fakt kontrrollon edhe pastrueset e institucioneve kur i emëron.

Por show-t nesër i vjen fundi. Kjo maskaradë politike e ofruar nga LSI, ku gjoja bëhet garë për kryetarin dhe në fakt sulmohet kryetari i një partie tjetër nesër i vjen fundi. Rezultati dihet, fiton kryetari i vjetër pas disa javësh sharjesh me sukses./ Citynews





Lajmet e fundit nga