web counter
LEXO PA REKLAMA!

SHKARKO APP

App Store
Google Play

E fundit!

x

Grabitet shtëpia e ministrit dhe ish-ministrit/ Qindra mijëra euro të vjedhura

5 Nëntor 2016, 07:38, Aktualitet CNA

Banesat e një ministri dhe të një ish-ministri të qeverisë ?Rama? kanë rënë pre e dy grabitjeve nga persona ende të paidentifikuar. Ngjarja ka ndodhur pak javë më parë, ndërkohë që policia e ka mbajtur të fshehtë.

Gazeta Sot shkruan se i pari që ka rënë pre e grabitjes ka qenë një ministër aktual i qeverisë. Mësohet se ministrit i janë grabitur qindra mijëra euro, por duke qenë se bëhej fjalë për shuma të mëdha parash, ngjarja është mbajtur e fshehtë.

Shumë ministra të qeverisë kanë rënë pre e akuzave të opozitës për abuzime dhe vjedhje dhe dalja në dritë e shifrës reale ka trembur ministrin. Por ajo që është më e rëndë, është fakti se janë vënë në dijeni krerët më të lartë të policisë dhe përfaqësues të Ministrisë së Brendshme. Ngjarja është diskutuar mes tyre dhe është vendosur të mbahet e fshehtë.

Skandali është thelluar edhe më tej pasi pre e një grabitje të ngjashme ka rënë edhe banesa e një ish-ministri të këtij kabineti. Edhe aty, individë të caktuar kanë marrë para dhe sende me vlerë, por sërish ngjarja është mbajtur e fshehtë. Duke qenë se bëhet fjalë për zyrtarë të lartë të shtetit, është vënë në dijeni Ministria e Brendshme, por sërish është kërkuar që gjithçka të mbetet sekrete.





Lajmet e fundit nga