web counter
LEXO PA REKLAMA!

SHKARKO APP

App Store
Google Play

FIKS FARE/ Kusheriri firmos ne vend te kryetarit, bashkia pushon nga puna dy punonjeset qe e denoncuan

4 Nëntor 2016, 19:33, Aktualitet CNA

Administratori i njësisë ” Guri i Zi ”  në Shkodër vazhdon të jetë në detyrë edhe pse  5  muaj më parë emisioni ” Fiks Fare ” denoncoi rastin e  ” Gurit të Zi”  ku Pjerin Marku sa herë që largohej nga detyra , në emër të tij firmoste dhe vuloste  një i afërm .Dy nga punonjëset që e denoncuan përpara kamerave këtë  situatë për “Fiks Fare ” nuk ndodhen më në punë.  Inspektimi i realizuar nga Bashkia e Shkodrës u firmos  asokohe  edhe nga tre punonjëset e njësisë administrative  Pranvera Mustafa, Adriana Marku dhe Valbona Marku.

Dy nga këto punonjëse  madje   deklaruan për ” Fiks Fare ” se në vend të administratorit firmoste  dhe vuloste kushuriri i tij , i cili i kërcënonte vazhdimisht se do ti hiqte nga puna. Fiks Fare ju drejtua vetë administratorit  edhe  pse ky i fundit nuk pranoi të firmoste për të ballafaquar firmat në shkresat përkatëse. Në maj të këtij viti  Bashkia Shkodër deklaroi se do të merrte masa . Por cfarë ndodh sot me “Gurin e Zi” ?!. Fiks Fare ka vajtur sërisht në  këtë njësi administrative ,dhe sërisht nuk e kemi gjetur administratorin në vendin e punesë. Punonjësia Pranvera Mustafa  na ka informuar se dy punonjeset Adriana Marku dhe Valbona Marku nuk janë më në punë , ndërsa nuk na ka dhënË një orar konkret se kur mund të rikthehet administratori  për ta ritakuar.

Ju drejtuam Bashkisë së Shkodrës dhe mësuam se cështja po hetohet në prokurori ,por kjo e fundit në pritje të një vendimi nuk ka marrë asnjë masë administrative. Ndërsa përsa i përket dy punonjëseve,  Adriana Marku dhe Valbona Marku u transferuan në Bashkinë e Shkodrës ku ju nënshtruan testimit bazuar në ligjin “Nr 152/2013 Për Nënpunësin Civil” pas të cilit njëra nuk ka arritur të marrë pikët e duhura për të qënë pjesë e administratës ndërsa tjetra vec mungesës së pikëve , nuk ka patur nivelet e shkollimit të kërkuar.





Lajmet e fundit nga