Nga Kastriot Myftaraj/20 pyetje Koço Kokëdhimës, të cilat nuk ia bën dot ambasadori amerikan, kur e quan të korruptuar

4 Nëntor 2016, 17:23, Aktualitet CNA

Koço Kokëdhima, në një konferencë për median sot u ankua se ambasadori amerikan ka shkelur statusin e tij diplomatik kur e ka quajtur publikisht atë si të korruptuar. Koçoja në të vërtetë e di se çfarë di për të ambasadori amerikan, dhe do të bënte mirë që të kthente përgjigje për ato pyetje që ambasadori nuk ia bën dot publikisht:

1)Meqënëse në qershor 2007, Koço Kokëdhima ka thënë në emisionin ?Opinion plus? të Blendi Fevziut në Tv Klan se vetëm 3% të bizneseve të tij janë në Shqipëri dhe pjesa tjetër është në Rusi, a mund të na tregojë më hollësisht për këto biznese?
2)Meqënëse dihet se Rusia ka qenë dhe është një vend ku një i huaj mund të bëjë biznes vetëm në sajë të lidhjeve të forta politike, a mund të flasë Kokëdhima për lidhjet e tij politike në Rusi?
3)Për çfarë mund të ishte tjetër përveçse në shërbim të një skeme korrupsioni emërimi nga Kryeministri Rama në 2013 i drejtorit të kompanisë mediatike të Kokëdhimës, në postin e administratorit të Albpetrol, kompanisë publike të nxjerrjes dhe shitjes së naftës, si dhe të mbikqyrjes së marrëveshjeve për hidrokarburet?
4)Pse administratori i Albetrol, në CV të tij, në faqen zyrtare të kompanisë, nuk tregon shkollimin që ka?
5)A ka falsifikuar administratori i Albetrol një dokument sikur ka qenë senior consultant kompanisë rumune të nxjerrjes dhe përpunimit të naftës, Rompetrol, detyrë të cilën pretendon se e ka marrë në moshën 27 vjeç?
6)Cila kompani serioze merr si senior consultant një 27 vjeçar?
7)Sa kohë paska punuar ai pas përfundimit të shkollës dhe detyrimisht masterit, si consultant, që pastaj u bë senior consultant?
8)A ka krijuar Kokëdhima me administratorin e emëruar prej tij në Albetrol një skemë korruptive sipas së cilës në katër faza gjatë vitit ai do të fitonte nga 3 deri 3.5 euro çdo tremujor, nga të cilat Kryeministri Rama do të merrte një milion euro çdo tremujor?
9)A u tejkalua plani i vjedhjes, duke u fituar me anë të skemës korruptive, 4-5 milion euro në tremujor, por duke mbetur pjesa e Ramës e pandryshuar?
10)A është kjo gënjeshtër arsyeja që Rama nuk ia mbështeti Kokëdhimës planin e tij për të blerë votat e nevojshme në Gjykatën Kushtetuese që të mos detyrohej të dorëzonte me turp mandatin e deputetit, si abuzues me pasurinë publike?
11)Pse nuk ia hoqi Rama Kokëdhimës edhe kontrollin e Albetrolit, pasi e hoqi nga posti i ?Komisarit të Jashtëzakonshëm? të Jugut?
12)A mos ia la kontrollin e Albetrolit për dy arsye, nga të cilat e para është se Kokëdhima duhet t? i paguajë Ramës paratë që ky ia ka lënë në mirëbesim t? i përdorë me kamatë, nga rryshfetet që i jepte Kokëdhima Ramës kur merrte tenderat në bashkinë e Tiranës të drejtuar nga Rama?
13)A është arsyeja e dytë, ajo se Kokëdhima është një nga të paktët njerëz nga të cilët Rama ka marrë drejtpërdrejt para cash me dorën e tij si rryshfet, apo mitë?
14)A e gënjeu Kokëdhima Ramën, duke shpenzuar për bizneset e tij, edhe paratë e Ramës, që i administronte për llogari të tij?
15)A u bë kështu Rama njeriu i fundit në Shqipëri që u mashtrua nga bosët e skemave piramidale dhe këtë e them se kompanitë e Kokëdhimës u quajtën skema piramidale financiare nga Komisioni Shtetëror për Mbikqyrjen dhe administrimin e skemave piramidale, i ngritur nga Partia Socialiste kur erdhi në pushtet në 1997?
16)A i kanë thënë ?Dhimo? në zhargon himariotët e vjetër një organi që gjendet në mes të trupit të mashkullit?
17)A ka dalë nga koka e Dhimos mendimi i Koços se ambasadori amerikan ka shkelur Konventën e Vienës kur e quan Koçon të korruptuar?
18)A është i njëjti Koço personi që në 2007 pretendonte se ambasada amerikane i kishte dhënë gazetës së tij një raport të CIA-s ku Sokol Olldashi akuzohej për lidhje mafioze, të cilin raport e botoi gazeta e Koços?
19)Meqënëse konventa e Vienës për të cilën flet Koçoja ka hyrë në fuqi që në 1961, pra ishte në fuqi edhe në 2007, a mund të pranojë logjika e Kokës së Dhimos se nëse nuk është shkelur në 2007, nuk është shkelur as në 2016?
20)Si i ka marrëdhëniet Kokëdhima me Ambasadën e Rusisë në Tiranë?