Sa i korruptuar është Koço Kokëdhima?!

4 Nëntor 2016, 16:58, Aktualitet CNA

Koço Kokëdhima sot doli përpara mediave për të mbrojtur veten pas një qëndrimi publik të Ambasadorit të SHBA-ve në vendin tonë Donald Lu.

Kokëdhima është një biznesmen dhe botues i shumë sulmuar vitet e demokracisë, pasi në diktaturë ka qenë një djalë i ri në shërbim të saj, një sekretar rinie në shërbim të atij sistemi. Më pas u bë biznesmen dhe botues. Së fundi shpalli veten edhe politikan. Shkëlqeu si mik i kryeministrit deri ditën që ky i fundit e hodhi në kosh një nga pjestarët e kazanit të tij të preferuar.

Koço shpall veten ?shënjtor? dhe mbrohet nga akuzat por në asnjë rast nuk mund të themi se Kokëdhima është më parë të vërtetës. SHBA-të për shqiptarët janë më të besueshëm se Kokëdhima i cili po përpëlitet për t?ju rikthyer politikës.

Por le të kthehemi tek argumantat.

Ambasadori Lu në deklaratën e tij publike tha: Për dekriminalizimin, i kemi dhënë lamtumirën një numri politikanësh kriminelë dhe të korruptuar ? mes tyre, më vijnë në mend Xhelili, Frroku, Muhameti, Petraj, Ndoka dhe Kokëdhima.

Lu fliste për politikanët kriminelë dhë të korruptuar.

Koço Kokëdhima midis rrjeshtash e përjashtoi veten nga lidhjet me krimin dhe foli vetëm për akuzat për korrupsion.

Kokëdhima tha: Kjo është një akuzë tepër e rëndë që fyen dhe shkel personalitetin tim si qytetar, prind, biznesmen dhe figurë politike e publike.

Dua të sqaroj se për mua nuk është konstatuar asnjë shkelje nga Gjykata Kushtetuese. Nuk jam gjykuar dhe nuk jam shpallur fajtor

Më tej shtoi: Z. Donald Lu më cilëson mua si politikan të korruptuar. Kjo deklaratë nëpërkëmb në mënyrë flagrante jo vetëm etikën diplomatike, por edhe atë qytetare. Ambasadori i nderuar e bën këtë akuzë pa asnjë provë, pa asnjë fakt, pa ju referuar asnjë burimi dhe më rreshton mua me njerëz të dënuar për vepra nga më të rëndat penale në gjykata të ndryshme europiane.

Duke sfiduar ambasadën e SHBA-vë Koço e mbylli me një qëndrim të fortë: Unë besoj se këto deklarata krejtësisht të pavërteta të bëra nga ambasadori i nderuar Donald Lu në adresën time janë të ndikuara nga ata njerëz që goditën mandatin tim në Kushtetuese dhe nga arsenali i jashtëzakonshëm i shpifjeve dhe intrigave të politikanëve të Tiranës që nxijnë njëri-tjetrin sa në një ambasadë në një tjetër. Fatin e karrierës time në politikë nuk do ta vendosin Intrigat dhe goditjet e ulëta të politikanëve të Tiranës. Vetëm qytetarët e këtij vendi do ta vendosin të ardhmen time në politikë.

Duke analizuar qëndrimin e Lu dhe Kokëdhimës ka diçka të thjeshtë dhe të kuptueshme midis rrjeshtash. Pse Kokëdhima nuk ka folur për pjesën e kriminalizimit duke u vetë përjashtuar?

Së dyti që amabsada e SHBA-ve të gënjejë dhe Koço të ketë të drejtë kjo vështirë se besohet.

Ambasada duhet të japë provat e korrupsionit ndaj Kokëdhimës ose Koço të kërkojë të zbardhet e vërteta duke ju hetuar pasuria dhe një skaner i pasurisë dhe të ardhurave të tij këto 25 vite do sqaronte gjithçka.

Ambasada nuk mund të bëjë prokurorinë dhe gjykatën shqiptare, por foli Shqip. Tani në rast se Koço ndjehet i cënuar, me një skaner dhe dorëzimin e pasurisë së tij përpara hetimit mund të vërtetojë se ambasada gënjen ose ai është një njëri i krimit dhe i korruptuar.

Skaneri i pasurisë së Kokëdhimës nga institucionet kompetente do sqaronte gjithçka, si i filloi bizneset, rrugët e ndërtuara që i janë shëmbur, së bashku me urat. Tenderat që ka fituar, cilësitë e punimeve, bizneset, të ardhurat, taksat e paguara e kështu me rradhë.

Koçoja mund të pretendojë dhe djegë “dorën” për ndershëmrinë e tij, por që populli ta besojë këtë disa institucione duhet në venë dorën në ?plagë?, për këtë kanë edhe mbështetjen e ambasadës së SHBA-së në Tiranë, institucionit përfaqësues të Shtepisë së Bardhë.

Në rast se institucionet nuk e bëjnë atëherë Koço duhet të provojë ?virgjërinë? e tij duke kërkuar ti hetohet pasuria dhe ndershmëria. Këtë sot nuk e bëri tha vetëm disa fjalë.

Por askush nuk i beson më fjalët e Koços, shqiptarët besojnë ambasadorin Lu, faktet dhe koha, shqiptarët në veçanti janë pro tij. Në rast se Koço kërkon të fitojë këtë ?betejë? me Amerikën të provoje me fakte jo me fjalë akuzat.

Sa i korruptuar është Koço mund ta thotë hetimi i kërkuar prej tij, ose Ambasada e SHBA-ve të dalë paksa me një listë që ndoshta mund të jetë shumë e gjatë. Mediat dikur raportonin për pivatizime si rasti i frigoriferit të Durrësit për një copë bukë, dje kur Koço kishte mandate flisnin se në Vlorë nuk fluturonte as miza pa lejën e Koços. Për drejtorin e tij në krye të Albpetrol, ambasada nuk na tha asgjë, këto ndoshta do na i thonë më vonë.

Tani është koha të shohim sa i vërtetë dhe kurajoz është Koço pëtej një deklarate vetmbrojtëse. /Citynews