web counter
LEXO PA REKLAMA!

SHKARKO APP

App Store
Google Play

Himara/ Gjergj Bojaxhi: Debat artificial, larg interesave të vendit

4 Nëntor 2016, 18:52, Aktualitet CNA

Një nga themeluesit e forcës politike Sfida për Shqipërinë, Gjergj Bojaxhi, ka komentuar sot debatet e fundit të kryeministrit Edi Rama me zyrtarë grek në lidhje me prishjen e ndërtesave në Himarë.

Përmes një postimi në rrjetet sociale, Bojaxhi shprehet se ?Himara? është një debat bosh, në një kohë kur problematikat e vendit janë ekonomia, arsimi dhe rendi.

?Me debatin bosh të Himarës, Kryeministri po shkon në drejtimin e kundërt të problemeve që kanë shqiptarët. Për shqiptarët është problem arsimi, rendi dhe ekonomia! Jo financat e shifrave në ajër të Ahmetajt, por ekonomia e pamundëdisë për të arritur në fund të muajit pa marrë borxh?, shkruan  Bojaxhi

Më tej, Bojaxhi thekson se këto janë debate artificiale sepse problem nuk janë deklaratat në Greqi për Ramën, por mungesat e çertifikatave të pronës në atë zonë.

?Edhe për Himarën, problem nuk janë deklaratat në Greqi për Ramën, por është mungesa e çertifikatave të pronës në atë zonë. Himara është në Shqipëri, e Shqipërisë, dhe nuk ka këmbë për të ikur. Këto janë debate artificiale larg interesave të njerëzve të Himarës dhe vendit!

Banorët jetojnë me frikë në Vuno se kur Ramës mund t’i shkrepet të shembë shtëpinë e rradhës sepse nuk i kënaq syrin artistik dhe nuk kanë qartësi se si mund të zhvillojnë pronat e tyre për turizëm. Vetëm Samir Mane ka qartësi në Himarë. Të tjerët janë në terror. Shqiptarët janë gati ta sfidojnë këtë klasë politike. Shqiptarët janë gati ta shembin këtë teatër të trishtuar, për të ndërtuar atë që u mungon. Shpresën!?, përfundon Bojaxhi





Lajmet e fundit nga