Zgjedhjet në Kolonjë dhe Kandidati “i djersitur” rilindas

4 Nëntor 2016, 17:51, Aktualitet CNA

Nga Arlind Çaçani

Zgjedhjet për Pushtetin Vendor në Bashkinë e Kolonjës po lënë bosh pozicionin e zv.kryeministrit Peleshi, pasi numri dy i Qeverisë ka braktisur për disa javë tashmë detyrën dhe është instaluar në Kolonjë për të drejtuar fushatën e të përzgjedhurit të tij Stefo.

Kolonjarët e çdo ngjyrimi politik, partiak, të çdo moshe, grupi interesi, nga sektori publik dhe privat janë duke bërë dallimin mes kandidatit të PAA dhe partive aleate opozitare z.Dritan Hajro dhe kundërshtarit të tij, që është vendosur nën sqetullën e Peleshit, i cili i bën fushatën e tij anë e mbanë Kolonjës.

Kolonjarët po e ndjekin nga afër fushatën, por të qetë dhe si të mençur, përgjigjen do ia japin Peleshit dhe kandidatit të tij më 20 nëntor.

Dritan Hajro, një djalë Kolonje, me integritet dhe përparësi në këtë fushatë, ka përballë tij ?makinerinë? e shtetit, por ka përkrah tij Kolonjarët dhe për rrjedhojë kjo garë, që të tjerët po e shndërrojnë dita-ditës në betejë, do të fitohet nga kolonjarët mes Dritan Hajros.

Qeveri, kam një pyetje për ty: E njeh ti forcën e popullit? E njeh ti potencën e njerëzve që bëhen së bashku për një kauzë? Po të bëj me dije gjithashtu se, vullneti i Kolonjarëve për ndryshim, kësaj here, është i patjetërsueshëm, i pandalshëm dhe i painflyencueshëm.

Shkojmë në fshatra dhe takojmë njerëz dhe rëndom na flasin për presion nga shteti, qeveria, pushteti dhe teksa i shikojmë të heshtur, ndjejmë mllefin që mbartin dhe jemi edhe më të sigurtë në vendosmërinë e tyre, për të mbështetut me votë Dritan Hajron. Dëgjojmë nga rradhët e mercenarëve të Peleshit dhe kandidatit rilindas, që për të joshur dhe marrë votën, premtojnë vende pune, lekë, ndihma të gjithëçfarëllojshme që burojnë nga mundësia e pushtetit të kamur dhe shkelës të ligjit dhe rregullit, pasi për rilindasit qëllimi justifikon mjetin.

E megjithatë, pavarësisht gjithçkaje sipërpërmenda, zv.kryeministri do të largohet kokëulur, i humbur dhe i mposhtur më 21 nëntor nga Kolonja e Konicës, Vretos, Nolit, Luarasit, mençurisë dhe mëmëdhedashjes.

Dua t?i drejtohem kandidatit rilindas që të mos shesë më premtime, që vallaha, nëse zgjidhet ai, do të ketë mbështetje nga Qeveria, sepse na lë të kuptojmë, apo na jep argument për ta cilësuar Qeverinë si anti-kolonjare dhe anti-shqiptare, gjë të cilën nuk dua ta besoj. Kolonjarët në dhe për Pushtetin Vendor do të zgjedhin administratorin e duhur, njeriun e duhur, kandidaturën e duhur, duke ditur që PAA dhe Partitë në koalicion do të jenë një suport madhor për Zhvillimin e Kolonjës në sektorët e saj kryesorë të jetës sociale dhe ekonomike.

Kandidat rilindas, të bëj me dije dhe të flas me bindje se, kolonjarët e kanë bërë zgjedhjen, zgjedhja e tyre është Dritan Hajro. Bëj fushatë të ndershme dhe qytetare siç i shkon përshtat Kolonjës. E ndërsa shkruaj për ty, mendoj se fjalët e mia nuk zënë vend, rrëshqasin mbi ty, teksa ti je lagur e djersitur nën sqetullën e zv.kryeministrit.

Por, jam i bindur që në të tjera rrethana edhe ti do të votoje DRITAN HAJRO.