web counter
LEXO PA REKLAMA!

SHKARKO APP

App Store
Google Play

E fundit!

x

Erion Veliaj nis kërcënimet ndaj tregtarëve të gazetave/ Policia bashkiake shantazh për të mbyllur kioskat

5 Nëntor 2016, 08:47, Aktualitet CNA

Duket se Erion Veliaj nuk ka ndërmend të ndalet në betejën e radhës për të zëvendësuar kioskat e vjetra të shitjes së gazetave, me të reja, duke synuar në një farë mënyre të vendosë nën kontroll shtypin e shkruar. Ditët e fundit kryebashkiaku ka udhëzuar policinë bashkiake që të dalë në terren për të lajmëruar tregtarët e gazetave në kryeqytet që brenda pak ditësh duhet të marrin masat për largimin e kioskave apo tezgave të tyre, shkruan “Sot”. Policët e bashkisë kanë kërcënuar tregtarët dhe ua kanë bërë të qartë që nëse nuk marrin masa për t?u larguar brenda afateve të përcaktuara, atëherë do të jetë policia bashkiake që duke përdorur mjetet e saj do të bëjë zhvendosjen e tyre.

Por pse gjithë ky mllef i kryetarit të Bashkisë së Tiranës ndaj tregtarëve? Duket paradoksale pasi në fillimet e tij, ashtu siç e ka pranuar edhe vetë, Erion Veliaj është marrë me tregtimin e fiqve, shumë kohë para se të ulej në kolltukun e bashkisë. Në një situatë normale ai duhej të kishte simpati për ata që shesin, qoftë edhe me tezga. Gjithsesi kjo jo vetëm që nuk ka ndodhur, madje Veliaj është treguar i pamëshirshëm me shitësit e gazetave në kryeqytet.

Mendohet se një tjetër qëllim është favorizimi i firmave të tregtimit të cigareve. Në kioskat e reja të vendosura në kryeqytet, cigaret janë produktet që shiten më së shumti dhe që vendosen në një pozicion të dukshëm. Mendohet se e njëjta gjë do të bëhet edhe me kioskat e reja që pritet të vendosen në hapësirat ku ndodhen të vjetrat. Vlen të përmendet gjithashtu se në një pjesë të vendeve ku gazetat tregtohen në tezga, nuk do të vendosen fare kioska të reja.

Shitësit premtojnë rezistencë

Gazeta është interesuar ditët e fundit në lidhje me këtë çështje dhe shitësit  gazetave kanë konfirmuar se janë lajmëruar nga bashkia që të lirojnë hapësirat ku ushtrojnë aktivitetin ose do të largohen me forcë nga policia bashkiake. Teksa pakënaqësitë e shitësve janë rritur ndjeshëm, pjesa dërmuese e tyre deklarojnë se nuk kanë ndërmend të largohen vullnetarisht dhe se do të bëjnë rezistencë në momentin që do të paraqitet policia bashkiake. Shitësit e argumentojnë vendimin të padrejtë duke deklaruar se po iu hiqet buka e gojës.





Lajmet e fundit nga