web counter
LEXO PA REKLAMA!

SHKARKO APP

App Store
Google Play

Lidhje e paligjshme elektrike/Arrestohet partneri i amerikanes që protestoi për HEC-et në Valbonë

5 Nëntor 2016, 10:17, Aktualitet CNA

Policia e shtetit ka vënë në pranga partnerin e amerikanes, që protestoi kundër ndërtimit të HEC-eve në lumin Valbonë, pasi ju konstatua lidhje e paligjshme elektrike.

Alfred Selimaj, partner i shtetases amerikane Catherine Bohne, e njohur si kundërshtare në ndërtimin e HEC-eve në Valbonë, është arrestuar mbrëmjen e së premtes. Bëhet me dije se mbi të rëndon edhe akuza e ndërtimit pa leje.

Gjatë kontrolleve të OSSHE dhe Policisë në orët e vona të mbrëmjes në restorantin e Selimaj, është konstatuar lidhja e paligjshme e energjisë elektrike. Ky i fundit u shoqërua nën akuzën e lidhjes së paligjshme elektrike dhe si pasojë vjedhjen e energjisë elektrike.
Arrestimit i Selimaj konfirmohet dhe nga Policia e Shtetit e cila sqaron për ReportTv se ndalimi i tij është bërë pasi gjatë një kontrolli me operatorin e energjisë elektrike në zonën e Valbonës dhe biznesin e Alfred Selimaj është konstatuar lidhje e paligjshme energjisë.

Selimaj aktualisht ndodhet në ambientet e komisariatit të Kukësit, ku dhe po merret në pyetje.

Më herët Selimaj, bashkë me partneren e tij, amerikanen Catherine Bohne, ka protestuar kundër ndërtimit të HEC-eve në Luginën e Valbonës. Çifti Selimaj dhe Bohne njihen si dy nga kundërshtarët më të mëdhenj të ndërtimit të HEC-eve në Valbonë dhe prej kohësh ata kanë organizuar një sërë protestash sensibilizuese.

Selimaj pritet që të dal të hënën para gjykatës së Kukësit për t?u njohur me masën e sigurisë dhe akuzën që rëndon mbi të.





Lajmet e fundit nga