web counter
LEXO PA REKLAMA!

SHKARKO APP

App Store
Google Play

E fundit!

x

Përparim Spahiu/Nuk ka pse ta paguajë LSI kur faji për mosrealizimin është i Ramës

5 Nëntor 2016, 09:46, Aktualitet CNA

Kandidati për kryetar i LSI-së, Përparim Spahiu është shprehur se LSI-ja duhet që të rishikojë kolaicionin me PS-në. Në një intervistë për ?Panoramën? Spahiu ka theksuar fort se partia për të cilën ai po kandidon duhet që të vërë disa kushte të forta për partinë bashkëqeverisëse. LSI-ja sipas tij duhet që të bëjë shumë më shumë për të krijuar një identitet të saj dhe të mos mbetet në hije, para Partisë Socialiste. Spahiu thekson fort se gjëja më e rëndësishme e cila nuk shkon në bashkëqeverisjen PS-Lsi është vendosja përpara faktit të kryer për vendimmarrje shumë të rëndësishme.

Bashkëqeverisja sipas tij nuk ka dështuar, por ai rithekson se LSI është një forcë e madhe politike dhe duhet që të ketë një peshë progresive në vendimmarrje.  Sepse sipas tij, faturën e kripur elektorale nuk ka pse ta paguajë LSI kur faji për mosrealizimin është i të tjerëve.

Sipas tij Shqipëria nuk është një telajo e nuk është as lapsi e as peneli i Kryeministrit Rama, duke theksuar se ka shumë probleme pas makiazhit që po i bëhet. Papunësia, bujqësia dhe turizmi sipas tij kanë nevojë për shumë vëmendje dhe nuk duhet që të lihen pas dore. ?Nuk jam kundër të bukurës dhe kundër estetikës, por ashtu sikurse edhe tek njeriu, bukuria e vërtetë buron nga shëndeti i trupit dhe i organizmit?, është shprehur Spahiu.

Ndërsa për sa i përket asaj çka më herët tha Ambasadori i SHBA-ve në vendin tonë Donald Lu se, disa ministra i vlerëson me notën ?zero?, Kandidati për Kryetar i LSI-së Përparim Spahiu i jep atij plotësisht të drejtë. Madje ai shton se të qënurit ?zero? do të thotë që nuk bën asnjë punë, por çështja, sipas tij, është kur janë ?nën zero? që prishin dhe shpërdorojnë paratë e shqiptarëve për paaftësinë e tyre.





Lajmet e fundit nga