web counter
LEXO PA REKLAMA!

SHKARKO APP

App Store
Google Play

E fundit!

x

OSHEE kallëzon 9 firma private në Prokurori/ Dëmtuan rrjetin elektrik

5 Nëntor 2016, 11:44, Aktualitet CNA

OSHEE ka bërë kallëzime ndaj  firmave private të cilat kanë shkaktuar mbi 40 defekte në Tiranë. Kjo ka sjellë jo vetëm kosto financiare për kompaninë, por edhe mungesë të energjisë për abonentët.

OSHEE i është drejtuar institucioneve përkatëse me denoncime në 9 raste vetëm gjatë kaq kohësh për kompani private, të cilët gjatë kryerjes së punimeve publike apo private kanë dëmtuar rrjetin elektrik duke sjellë për pasoje lënien pa energji me orë të gjata të abonentëve. Situata në fjalë shfaqet problematike kryesisht në Tiranë.

?OSHEE shpreh keqardhje që pavarësisht denoncimeve të bëra dhe faktit evident me pasoja të shkaktuara me dëm financiar për kompaninë dhe me lënien pa energji të qytetareve nuk ka patur në shumicën e rasteve fillim hetimesh nga organi i akuzës.

Gjithsej janë mbi 40 raste të regjistruara këtë vit, vetëm për Tiranën, ku kompani të ndryshme, të kontraktuara nga institucione shtetërore, por edhe private, kanë dëmtuar rrjetin elektrik të OSHEE, ku në jo pak raste, defekti ka qenë i rëndë, me mungesë të tejzgjatur të dritave.

OSHEE u bën thirrje organeve ligjzbatuese që të trajtojnë me prioritet dhe seriozitet raste të tilla që nuk dëmtojnë thjesht imazhin publik të OSHEE, por lënë pa energji për ore të tejzgjatura qytetarët,? thuhet në njoftimin e OSHEE-së





Lajmet e fundit nga