E fundit!

13:54 Aktualitet

Debati për zonat e mbrojtura/ Rasti Ria Formosa dhe Revolucioni Portugez i Turizmit

Nga Edi Rama Kur flitet për zhvillimin në zonat e mbrojtu...

Pse babai i Endri Fugës ka turp t'i nënshkruajë shkrimet si rektor i universitetit të Çilit/ Nga Kastriot MYFTARAJ

23 Tetor 2016, 08:40, Aktualitet CNA

Zoti Përparim Fuga, babai i Endri Fugës, ndihmësit të afërt të Kryeministrit Rama, shkruan rrallë në shtyp. Qëkurse është bërë prorektor i Universitetit Europian të Tiranës, apo siç njihet ndryshe Universiteti i Çilit, profesor Përparim Fuga nuk shkruan në shtyp veçse për tema që i interesojnë punëdhënësit të tij.

Në shkrimin e tij të fundit të botuar në gazetën ?Panorama?, në 17 tetor, me titull ?Masivizimi i titujve akademikë përballë cilësisë?, profesor Fuga nuk del nga linja e tij e të shkruarit në interes të punëdhënësit të tij, Çilit. Por ajo që të bie në sy është se profesor Fuga nuk nënshkruan në këtë shkrim si zakonisht, prorektor i Universitetit Europian të Tiranës, ndonëse ai vazhdon ta mbajë këtë detyrë.

Nuk duket që ky të jetë një lapsus, sepse profesor Fuga e di se detyrimi që iu ka vënë Çili të punësuarve të tij kur shkruajnë në shtyp, është që të nënshkruajnë si punonjës të UET-së. Kështu që në këtë rast kemi të bëjmë me një rebelim të profesor Fugës ndaj Çilit.

Sa për shkakun e këtij rebelimi të profesor Fugës ndaj punëdhënësit të tij, nuk është rastësi që ai ndodh pas deklaratës prej lakeu të Çilit se Edi Rama duhet të marrë një mandat të ri si kryeministër. Kjo deklaratë tregon se Çili ka marrë nga Rama një mandat të ri si benefiqar i pushtetit për universitetin e tij dhe bizneset e tjera që ka. Në këtë mandat të ri prej benefiqari të Çilit ka dorë sigurisht babai i profesor Fugës, Endri.

Prandaj, profesor Fuga, i cili nga ana e tij është benefiqar i Çilit, duke qenë i vetëdijshëm se emri i tij po përdoret dyfish nga Çili, për t? i dhënë hije akademike universitetit, dhe për të siguruar mbështetjen e Qeverisë ?Rama?, mendon se tani ka të drejtë ta shesë më shtrenjtë emrin e tij të vënë në shërbim të Çilit. Aq më tepër që punëdhënësi i tij e ka dreqosur krejt reputacionin e vet (Çili të vetin).

Shkurt, profesor Fuga i thotë punëdhënësit të vet, se një mandat tjetër në UET, kushton më shtrenjtë tani. Dhe Çili është i detyruar të paguajë se nuk ka çfarë të bëjë në rrethin vicioz ku ka hyrë për shkak të ambicjeve të tij. Pasi Çili dhe profesor Fuga të kenë arritur marrëveshjen, ajo do të shpallet publikisht me një shkrim çfarëdo të profesor Fugës në shtyp ku do të nënshkruajë si prorektor i UET-së. (Shkruar për Citynews.al)