web counter
LEXO PA REKLAMA!

SHKARKO APP

App Store
Google Play

E fundit!

x

Detajet/ Ja si humbi jeten turisti francez

22 Tetor 2016, 18:04, Aktualitet CNA

Rreth orës 13:45, 9 turistë francezë në zbritje të malit “Maja e qorres” në drejtim të Llogarasë, njoftojnë se njëri prej tyre është rrëzuar dhe për pasojë ka marrë dëmtime në trup.

Menjëhere në vendngjarje mbërritën shërbimet e Policisë së Vlorës bashkë me shërbimet e repartit Delta Forcë në ndihmë të dëmtuarit, të cilët kanë bërë të mundur gjetjen e tij të gjallë dhe nxjerrjen e trupit nga një terren i vështirë pasi kishte rënë në një greminë të thellë, në afërsi të vendit të quajtur “Maja e Qorres”.

Në ndihmë të dëmtuarit erdhi edhe një Helikopter i Ministrisë së Shëndetësisë, i cili për shkak të terrenit të vështirë dhe mjegullës së dendur nuk u bë e mundur ulja e tij.

Pas përpjekjeve të shumta për ti ardhur në ndihmë, turisti për shkak të plagëve të rënda të marra në kokë ka ndërruar jetë gjatë rrugës që po transportohej me barelë në një terren të thepisur nga forcat e policise të cilët kanë rrezikuar seriozisht edhe jetën e tyre gjatë momentit të nxjerrjes nga gremina.

Policia ka identifikuar trupin e pajetë me inicialet A.T., 67 vjeç, banues në Francë.

Grupi hetimor ndodhet në vendngjarje duke kryer veprimet e mëtejshme për sqarimin e rrethanave.





Lajmet e fundit nga