E fundit!

17:43 Aktualitet

I moshuari në Pogradec dhunon bashkëshorten/ Gruaja niset me helikopter drejt spitalit të Traumës

Një ngjarje e rëndë raportohet se ka ndodhur ditën e sotme...

Ahmet Prenci promovon librin e pare me poezi

22 Tetor 2016, 16:36, Aktualitet CNA

Ai njihet si nje nga ish-drejtoret e Policise se Shtetit, por uniforma blu nuk e ka penguar shpirtin e tij poetik.
Ahmet Prenci sot ka promovuar librin e tij te pare me poezi. Botimet M&B në bashkëpunim me Forumin Shqiptar për Aleancë të Qytetërimeve kanë prezantuar sot ne mesdite vëllimit poetik ?Udhë në pasqyrë? të autorit Ahmet Prençi.

Vlerësime rreth librit:
Besnik Mustafaj: Ky botim është një surprizë e bukur jo vetëm për ata që e njohin nga larg autorin, por edhe për miqtë e tij, ndër të cilët e rendis veten. Të gjithë, pra, do të zbulojmë me këtë rast një personalitet tjetër të Ahmet Prençit, të cilin ai jo se na e kishte mbajtur fshehtë, por nuk kishte synuar kurrë ta nxirrte në pah.
Unë e kisha njohur prej shumë vitesh si një lexues të pasionuar, gjë që, siç e shihja, kishte ndikimin e vet mbi qasjen e tij ndaj njeriut, natyrës, politikës, historisë. Por nuk do e kisha marrë dot me mend se ai kishte gjithashtu aftësi t?i shprehte me poezi marrëdhëniet e tij të brendshme me botën që e rrethonte. Tashmë nuk do të ketë vend të shprehim atë habinë, qoftë kjo edhe një habi e bukur, pse ai na është shfaqur gjithmonë si një prokuror ndryshe, një kryepolic ndryshe, një inspektor i kontrollit të pasurive të zyrtarëve të lartë ndryshe.
Ahmet Prençin e ka ?zbutur? dhe vazhdon ta ?zbusë? e ta përsosë poeti që ka nën lëkurën e vet.

Agron Tufa: Poezia e Ahmet Prençit ka ndikuar shumë në fillimet e mia letrare. Një cikël poetik i Prençit, i botuar në gazetën lokale të Dibrës në fund të viteve ?80, më pati lënë mbresa të thella. Vargje të çlirëta, me muzikalitet spontan, që rridhnin natyrshëm, me shpengimin karakteristik të frymëzimit origjinal, ato kishin ajrin e lirë të bjeshkëve dhe peizazheve të vendlindjes. Metaforat e freskëta që i hapnin udhë përfytyrimit dhe ndjenjës pa dhunën pedante dhe pa shtampat e klishetë me të cilat shtërzonte poezia e atyre viteve.
Më vjen mirë e më gëzon fakti, që këto cilësi artistike janë konservuar të padëmtuara ndër vite dhe përbëjnë tharmin e poezisë së tij në këtë vëllim. Është shumë e vështirë të shkruash këtë lloj poezie sot, në epokën e spekulimeve dhe modave jetëshkurtra. Ta nxjerrësh thellë prej vetes këtë thelb të padhunë të poezisë së pastër, plot luhatje, kadenca e ritme, është t?i mbetesh besnik konceptit të artit si mahni, emocion e meditim njëherësh. Të shkruash si sakrificë, sikur ?shkep mish? prej vetes, të shkruash nga ?shapi i shpirtit? tënd.

Rreth autorit:
Ahmet Prençi u lind më 25 prill 1968 në Dibër. U diplomua në Fakultetin e Ekonomisë dhe Drejtësisë në Universitetin e Tiranës. Ka punuar dhe punon në institucionet ligjzbatuese të shtetit shqiptar.
Poezitë e para i ka botuar në vitin 1985 në disa gazeta të kohës.
Ky është vëllimi i parë poetik.