web counter
LEXO PA REKLAMA!

SHKARKO APP

App Store
Google Play

E fundit!

x

Plani i Trump/ 100 ditët e mia të para si president i SHBA-ve

23 Tetor 2016, 06:34, Aktualitet CNA

Kandidati republikan për president i SHBA-ve Donald Trump propozoi një shkurtim prej 35% të taksave për klasën e mesme amerikane ndërsa parashtroi planin e tij për 100 ditët e para në Shtëpinë e Bardhë nëse fiton zgjedhjet presidenciale të 8 nëntorit.

Trump propozoi gjithashtu të vendosë kufizime të mandateve për anëtarët e kongresit, ndalimin e përkohshëm të punësimeve në qeverinë federale dhe pakësimin e rregullave federale.

?Ne do të thajmë moçalin në Washington dhe ta zëvendësojë atë me një qeveri të re nga populli dhe për popullin,? tha zoti Trump në qytetin historik të Gettysburgut në Pensilvani.

Fjalimi, shihet si një përpjekje për ta çuar vëmendjen përsëri tek përparësitë e tij dhe larg polemikave që e kanë ndjekur atë javët e fundit.

Trump tërhoqi zemërimin e disa votuesve dhe politikanëve republikanë dhe demokratë këtë muaj për shkak të komenteve të shthurura që ai bëri në lidhje me gratë dhe akuzave nga më shumë se 12 gra se ishin viktima të sulmeve seksuale nga zoti Trump.

Ai mbajti fjalimin e tij në Getisburg të Pensilvanisë, vendi i betejës më vdekjeprurëse të Luftës Civile Amerikane dhe të fjalimit të famshëm të presidentit republikan Abraham Linkolnit në vitin 1863.

Por sondazhet tregojnë se ai është pas rivales demokrate Hillary Clinton në nivel kombëtar dhe në shtetet kyçe.

Sipas organizatës “RealClear Politics”, Hillary Clinton kryeson ndaj zotit Trump me më shumë se 6%, shkruan Zëri i Amerikës. /Citynews





Lajmet e fundit nga