E fundit!

13:54 Aktualitet

Debati për zonat e mbrojtura/ Rasti "Ria Formosa" dhe Revolucioni Portugez i Turizmit

Nga Edi Rama Kur flitet për zhvillimin në zonat e mbrojtu...

Nga Elvi FUNDO/ Pse Edi Rama është kryeministri më i suksesshëm në 25 vite

23 Tetor 2016, 08:09, Aktualitet CNA

Kreu i qeverisë Edi Rama është njeriu më i suksesshëm i 25 viteve demokraci dhe kjo s?ka nevojë për analizë. Faktet flasin vetë. Sukseset e qeverisë janë të dukshme e të padukshme. Disa krahasohen e disa jo. Siç thotë dhe vetë Rama ai krahasohet me veten e tij dje jo me parardhësit dhe këtu ka shumë të drejtë. Si ai s?ka tjetër, ai është kryeRilindasi. Por vetëm një fakt e bën atë kryeministrin më të suksesshëm në 25 vite. Këtë rekord të paimagjinueshëm për Shqipërinë ai e regjistroi këtë sezon veror.

Suksesin e pati jo në turizëm, jo në tatime, jo në investime, jo në arsim, jo në shëndetësi, por në pyje. Po po në pyje. Këtë vit nuk patëm asnjë cm pyll në flakë, asnjë shkurre, asnjë peme, asnjë kullotë malore të djegur. Qeveria ja arriti që më në fund të mbrojë pyjet. Falë politikave të saj, investimeve të vazhdueshme ajo vendosi një rekord dhe sukses historik. Por këtu nuk ka asnjë meritë Lefter Koka i LSI-së, suksesi është vetëm i kryeministrit Edi Rama, i cili edhe me ndihmën e policisë së Saimir Tahirit mundën të mbronin pyjet tona nga flakët.

Edi Rama është kryeministri më i suksesshëm në 25 vite sepse në qeverisjen e Berishës, në vitin 2007 për shembull, u dogjën 10 mijë ha pyje nga zjarret, ndërsa në vitin 2016 0 ha. Gjatë qeverisjes së Berishës kishim zjarre në pyje çdo verë. Helikopterë dhe avionë canader që ia kërkonim borxh Greqisë, Italisë dhe vendeve të tjera të NATO-s. por sot nuk kemi nevojë për këto borxhe. Faleminderit zoti Kryeministër. Zjarri nuk ndalej sa në Sarandë, në Gjirokastër, në Përmet, në Korçë, Dibër, Elbasan, Shkodër, Lezhë dhe deri në Dajt erdhën flakët e zjarrit në pyje. Këte vit nuk pati asnjë zjarr. Barinjtë e maleve këtë vit s?kishin nevojë për kullota dhe rrugë të reja. Faleminderit zoti kryeministër.

Edhe pse gjatë kësaj vere patëm temperatura edhe mbi 40 gradë, sërish nuk patëm asnjë zjarr në pyje. Zoti dhe Edi Rama i ndalën zjarret. Faleminderit zoti Kryeministër.

Por suksesi i qeverisë dhe kryeministrit ka edhe një tjetër faktor kryesor: Ata janë trafikantët dhe mbjellësit e kanabisit. Ashtu si zjarret në pyje, kanabisi u mboll në Sarandë, Vlorë, Përmet, Tepelenë, Korçë, Elbasan, Dibër, Kukës, Lezhë, Shkodër, Krujë, Durrës dhe deri në Dajt. Nuk pati flakë e zjarr po pati hashash dhe vetëm hashash. Që nga Shkodra e gjer në Vlorë, nga Durrësi e në Tiranë asnjë zjarr në pyje, asnjë ferr e djegur, vetëm kanabis kudo. Dhe kjo u arrit falë Edi Ramës dhe qeverisë së tij. Ky është një sukses i madh këto 25 vite demokraci. Faleminderit zoti Kryeministër.

Çunat e drogës na ruajtën male e kodra për suksesin e kryeministrit Rama. Ja tani mundëm ta shikonim këtë ditë dhe këtë sukses të kryeministrit tonë Rilindas. Faleminderit që ekziston zoti kryeministër dhe që kemi fatin e madh të jetojmë me ty. Sa vizionar që je, zhduke zjarret dhe i gjelbërove malet. Tamam male me blerim mbuluar si qëmoti se ishin bërë male me hi mbuluar. Faleminderit zoti kryeministër.

Faleminderit dhe ju çunat e drogës që i dhatë këtë sukses qeverisë se të tjerat i ka marrë lumi. Suksese vitin e ardhshëm. Të shtoni rendimentin, malet me kanabis mbuluar janë suksesi i dytë për kryeministrin tonë. Por i pari vlen më shumë… (Shkruar për Citynews)

Shënim: Ky shkrim vjen eksluzivisht nga kazani mediatik por mos kujtoni se të gjithë janë si Henri Çili.