E fundit!

18:06 Politikë

“Shqiptarët e kanë kuptuar se me kë kanë të bëjnë”/ Këlliçi: Rama është “non grata” në bulevardin poshtë zyrës

Deputeti demokrat, Belind Këlliçi, është shprehur sot se s...

Shoqatat e Gazetarëve i drejtohen Kuvendit: Mos votoni nenin kundër lirisë së mediave/ Censurë me ligj

17 Gusht 2016, 12:34, Aktualitet CNA

Shoqatat e Gazetarëve i drejtohen Kuvendit të Shqipërisë me kërkesën për të mos votuar një ligj që sipas tyre është kundër lirisë së mediave. Sipas tyre neni 13 i projektligjit ?për organizimin dhe funksionimin e institucioneve për të luftuar korrupsionin dhe krimin e organizuar?, pjesë e paketës për reformën në drejtësi është alarmant pasi vë një censurë të re me ligj nga Kuvendi i Shqipërisë. Në argumentimin e gazetarëve thuhet se neni me përmbajtjen ?çdo lloj influence e papërshtatshme e ushtruar mbi punën e prokurorëve të posaçëm apo aktivitetin e tyre mbi çështje konkrete përmes autoriteteve publike, mediave apo çdo mënyre apo personi tjetër, që ndikon mbi pavarësinë e prokurorëve gjatë ushtrimit të detyrave të tyre, ndalohet dhe dënohet me ligj? dhe dënimi në kodin penal për këtë lloj vepre shkon deri në tri vite burg, janë pikërisht censura që reforma në Drejtësi parashikon në projektligj. Deklarata e shoqatave të gazetarëve është si vijon:

Shoqatat e Gazetarëve i drejtohen Kuvendit: Mos votoni nenin kundër lirisë së mediave

Organizatat më të mëdha të gazetarëve në Shqipëri janë njohur sot me nenin 13 të projektligjit

?për organizimin dhe funksionimin e institucioneve për të luftuar korrupsionin dhe krimin e organizuar?, pjesë e paketës për reformën në drejtësi.

Ky nen ka shkaktuar një shqetësim të madh dhe ka vënë në alarm mediat shqiptare për një censurë të re që po kërkon të vendoset me ligj nga Kuvendi i Shqipërisë. Sipas këtij neni, ?çdo lloj influence e papërshtatshme e ushtruar mbi punën e prokurorëve të posaçëm apo aktivitetin e tyre mbi çështje konkrete përmes autoriteteve publike, mediave apo çdo mënyre apo personi tjetër, që ndikon mbi pavarësinë e prokurorëve gjatë ushtrimit të detyrave të tyre, ndalohet dhe dënohet me ligj?. Dhe dënimi në kodin penal për këtë lloj vepre shkon deri në tri vite burg.

Shoqatat e gazetarëve e konsiderojnë këtë projekt jo si pjesë e një reforme që synon të luftojë krimin dhe korrupsionin, por si një nen të jashtëzakonshëm që kërkon t?i mbyllë gojën medias së lirë, të instalojë një gjendje censure në vend dhe të vendoset mbi Kushtetuën, që garanton liri të plotë të fjalës në Shqipëri.

Për gazetarët shqiptarë, ky nen është një akt selektiv pasi për veprën penale të presionit apo shantazhit, kodi penal përcakton të gjitha rastet në bazë të të cilave çdo individ ka të drejtë të padisë këdo, përfshi edhe gazetarët.

Prandaj specifikimi për mediat, është një akt i pastër censure dhe me rrezik për demokracinë. Eshtë një kthim pas, kur fjala dhe mendimi i lirë konsideroheshin agjitacion dhe propagandë.

Termi i përdorur në nenin 13, ?influencë e papërshtatshme?, krijon hapësirë për çdo lloj interpretimi për të kërkuar dënimin e gazetarëve. Mjafton që një prokuror ta cilësojë si të papërshtatshme raportimin e një media dhe gazetari të gjendet përpara bankës së të akuzuarit.

Shoqatat e gazetarëve i bëjnë thirrje deputetëve shqiptarë të heqin menjëherë këtë nen regresiv nga projektiligji dhe mos ta kalojnë për votim në Kuvend. Ai përbën një kërcënim të hapur për lirinë e shprehjes dhe si i tillë nuk mund të diskutohet e aq më pak të votohet në një vend që synon të jetë pjesë e Bashkimit Europian.

Shoqatat e gazetarëve do të njoftojnë për këtë projekt të paprecedent organizatat më të mëdha për mbrojtjen e lirisë së medias në botë.

Shoqata e Gazetarëve Profesionistë të Shqipërisë Unioni i Gazetareve Shqiptare

Armand SHKULLAKU Aleksander ÇIPA

Lidhja e Gazetarëve të Shqipërisë Shoqata e Mediave Elektronike Shqiptare

Ylli RAKIPI Aleksander FRANGAJ