E fundit!

22:44 Aktualitet

Eric Wendt një hap larg emërimit/ Komiteti i Senatit voton pro gjeneralit si ambasador i SHBA-së në Shqipëri

Komiteti për Marrëdhëniet me Jashtë i Senatit amerikan ka ...

Ministria e Brendshme: Nuk ka raport sekret për kultivimin e kanabisit në Shqipëri

17 Gusht 2016, 12:18, Aktualitet CNA

Ministria e Brendshme nëpërmjet një deklarate për shtyp ka hedhur poshtë egzistencën e një raporti sekret për kultivimin e kanabisit në Shqipëri. Duke iu referuar disa njoftimeve në media si dhe disa deklaratave të ndonjë subjekti politik, sipas kësaj deklarate, lidhur me ekzistencën e një raporti sekret për kultivimin e kanabisit në Shqipëri, ministria e Brendshme ka bërë të ditur se nuk ka asnjë raport të tillë.

Deklarata është si vijon:

Drejtoria e Policisë së Shtetit

Tiranë më 17.08.2016

Deklaratë për shtyp

Referuar disa njoftimeve në media si dhe disa deklaratave të ndonjë subjekti politik lidhur me ekzistencën e një raporti sekret për kultivimin e kanabisit në Shqipëri, bëjmë me dije opinionin publik se nuk ka egzistuar e nuk ekziston asnjë raport sekret apo i çdo natyre tjetër nga asnjë prej agjencive partnere ligjzbatuese lidhur me këtë çështje.

Bashkëpunimi i Policisë Shqiptare me partnerët është i shkëlqyer, e falë shkëmbimit intensiv të informacionit janë arritur rezultate pozitive të pakrahasueshme më të kaluarën.

Bashkëpunimi konkret me partnerët Italianë, si dhe angazhimi i Policisë në shkatërrimin e çdo parcelë të evidentuar, ka shënuar intensifikim maksimal vitet e fundit.

Është kjo arsyeja që është rritur eficienca e Policisë së Shtetit në identifikimin e kultivimit dhe shkatërrimit të narkotikëve.

Lajme të shpikura për raporte sekrete, jo vetëm synojnë denigrimin e punës së Policisë, por synojnë gjithashtu dëmtimin e punës së përbashkët të Policisë së Shtetit me partnerët ndërkombëtarë, çka ndikon edhe në dëmtimin e imazhit të vendit.

Policia e Shtetit fton mediat që për çdo çështje për të cilën kërkohet informacion nga Policia e Shtetit, të interesohen pranë burimeve zyrtare të saj, duke u garantuar transparencë të plotë e gatishmërinë e strukturave për të respektuar legjislacionin në fuqi për të drejtën e informimit.

Gjthashtu, Policia e Shtetit fton çdo subjekt politik të ndalë akuzat ndaj Policisë dhe punës së saj.

Sulmi ndaj Policisë i bën nder vetëm krimit.

/Citynews.al