E fundit!

15:47 Aktualitet

“Klasa politike të ikë në shtëpi”/ Tare: Çështja është te bulevardi, Rama zhvendos vëmendjen

Studiuesi Auron Tare tha sot se ndërsa çështja kryesore ës...

Fondet e BE për Shqipërinë/Qeveria përdor vetëm 26 % në 6-mujorin e parë

17 Gusht 2016, 15:48, Aktualitet CNA

Qeveria shqiptare vijon të shfaqë defekte të mëdha në përdorimin në kohë të financimeve të Bashkimit Europian të dhëna në kuadër të procesit të integrimit.

Sipas të dhënave të Ministrisë së Financave për situacionin e shpenzimeve kapitale në fund të 6 mujorit të parë shihet se, janë përdorur vetëm 657 milionë lekë nga 2.3 miliardë që është fondi i vënë në dispozicion këtë vit nga programet e IPA këtë vit. Realizimi vjetor i periudhës është vetëm 26 për qind. E njëjta situatë është edhe me financimet e tjera të huaja

Gjashtëmujori i parë i vitit është mbyllur ende pa nisur disburësimi i fondeve për asistencën teknike IPA për projekte ndërkufitare, me Malin e Zi dhe me Greqinë në vlerën e 25.6 milionë lekëve.

Gjithashtu ende nuk ishte shpenzuar asnjë lek nga fondi 36 milionë lekësh i dhënë si asistencë për procesin e integrimit.

Të panisura në pjesën e parë të vitit ishin edhe 460 milionë lekë fonde si mbështetje për bujqësinë dhe zhvillimin rural dhe 151 milionë lekë për përmirësimin e mbrojtjes së konsumatorit.

Në fund të gjashtëmujorit të parë shihet të jenë realizuar fonde që BE ka akorduar në vitet 2010-2011 që janë në vlerën e 329 milionë lekëve dhe disa projekte që kanë të bëjnë me ndryshimet klimaterike dhe natyrën që kapin vlerën e 71 milionë lekëve.

Ministria e Financave bën me dije në 6 mujorin e parë të vitit 2016 është konstatuar një mosrealizim në investimet me financim të huaj në nivele të konsiderueshme pothuajse në 30% të planit 6 mujor ose realizim vetëm 70% i atyre të planifikuara për gjysmën e parë të vitit 2016, ndërkohë që realizimi i investimeve me financim të brendshëm paraqitet në nivele më të larta, përkatësisht 90% e planit.

Ky mosrealizim i investimeve të huaja në nivelet e kërkuara, në raport me planin për programet në Sipas ministrisë së Financave shkaqet e janë të ndryshme si, shtyrja e afatit të realizimit nga procesi i prokurimit, apo edhe nga vonesat në paraqitjen e dokumentacionit teknik e financiar për lëvrimin e fondeve, shkruan Monitor.

Në përgjithësi ekziston një trend pothuajse i njëjtë realizimi i këtyre shpenzimeve nga të gjitha ministritë e linjës, kjo dhe si një efekt i gjysmës së parë vitit dhe procesit të shtrirjes së mëvonshme të likuidimit të shpenzimeve për investime.

Ministria e Financave thotë se gjithashtu vlen të theksohet fakti që ky trend mosrealizimi është një problematikë e zakonshme në gjysmën e parë të vitit buxhetor si shkak paraqitjes me vonesë të situacioneve të punimeve për tu paguar dhe vonesës në disbursim.