E fundit!

09:08 Aktualitet

Krimi që ka ndodhur me protestën

Qytetarët kanë të drejtë të protestojnë, rinia. Për Zvërne...

Berat/ Policia garanton pelegrinazh të qetë në malin e Tomorrit

17 Gusht 2016, 13:57, Aktualitet CNA

Drejtoria Vendore e Policisë Berat, në një njoftim për shtyp ka bërë të qarta masat e marra nga për garantimin e rendit dhe sigurisë publike gjatë zhvillimit të pelegrinazhit në Malin e ?Tomorrit?, nga data 18.08.2016-25.08.2016.

Në njoftimin e Policisë thuhet se ?Drejtoria Vendore e Policisë Berat, në bashkëpunim me Komisariatet e Policisë Berat, Kuçovë, Skrapar dhe Urë Vajgurore, në bazë të një plani të detajuar masash, janë angazhur plotësisht me qëllim, sigurimin e rendit dhe sigurisë publike, parandalimin e krimit dhe rritjen e sigurisë rrugore, lëvizjen e qarkullimit normal të mjeteve e këmbësorëve në rrugë, në zonat turistike, kontrollin e personave me precedent kriminal, si dhe kapjen e personave në kërkim policor gjatë zhvillimit të pelegrinazhit.?

Gjithashtu në njoftim bëhet e ditur se në kuadër të masave të marra për zhvillimin e pelegrinazhit në Malin e Tomorrit, do të bashkëpunohet edhe me Organet e Pushtetit Vendor, P.M.N.Z.SH, Spitalin Rajonal Berat si dhe me Kryegjyshatën Botërore të Bektashinjëve.

?Drejtoria Vendore e Policisë Berat, në përbërje të së cilës janë; Komisariatet e Policisë Berat, Kuçovë, Skrapar dhe Urë Vajgurore ofron një shërbim policor, në partneritet me komunitetin dhe në përputhje me të drejtat kushtetuese, për krijimin e një mjedisi sa më të sigurtë për të gjithë shtetasit vendas e të huaj që do të marrin pjesë në këtë pelegrinazh?, thuhet në deklaratë.

Sipas njoftimit më i përqendruar ky shërbim do të jetë përgjatë akseve rrugore Berat -Poliçan- Pronovik- Novaj ? Teqe, Poliçan -Çorovodë, Çorovodë- Gjerbës ? Teqe e Kulmakut, e pika të tjera që do të vendosen si dhe në territorin ku zhvullohet aktiviteti i pelegrinazhit.

?Do të rritet prezenca e shërbimeve të Policisë Rrugore në akset kryesore, për përballimin e fluksit të automjeteve, orientimin dhe marrjen e masave ndaj përdoruesve të rrugës që qarkullojnë në gjendje të dehur apo shkelin rregullat e qarkullimit rrugor, me qëllim rritjen e sigurisë rrugore dhe parandalimin e aksidenteve automobilistike gjatë periudhës së pelegrinazhit për në Malin e Tomorrit?, thuhet në njoftim.

Gjithashtu bëhet e ditur se janë marrë të gjitha masat për bllokimin e mjeteve të tonazhit të lartë që transportojnë pllaka guri nga mali në qytet, me qëllim lënien e lirë të rrugës për lëvizjen e lirë të automjeteve.

?Janë marrë të gjitha masat për përcaktimin e vendqëndrimeve të automjeteve të Personaliteteve të Larta Shtetërore, pelegrinëve dhe Policisë së Shtetit, me qëllim disiplinimin e lëvizjes së automjeteve.

Kërkojmë mirkuptimin e të gjithë drejtuesve të mjeteve të transportit publik si (autobuza dhe mikrobuza) të ndalojnë qarkullimin nga nga aksi nacional për në Teqen e Kulmakut?, thuhet në njoftim.

?Drejtoria Vendore e Policisë Berat kërkon bashkëpunimin dhe mikuptimin e të gjithë drejtuesve të mjeteve për zbarim rigoroz të rregullave të qarkullimit rrugor, duke ju uruar një pelegrinazh të mbarë!?, përfundon deklarata e Policisë Berat. /Citynews.al