web counter
LEXO PA REKLAMA!

SHKARKO APP

App Store
Google Play

E fundit!

x

Drejtësia/EURALIUS dhe OPDAT, nuk ndryshojnë institucionet e vlerësimit

17 Gusht 2016, 15:22, Aktualitet CNA

Ekspertët e EURALIUS dhe OPDAT paraqitën opinionin e tyre mbi propozimet e bëra nga Partia Demokratike në lidhje me pr/ligjin e rivlerësimit të gjyqtarëve dhe prokurorëve. EURALIUS ka publikuar në faqen zyrtare katër parime thelbësore të cilat janë:

a) Nuk mund të ekzistojnë afate kohore ose kalendar për çdo çështje individuale;

b) Procesi i rivlerësimit përdorë informacionet, dosje si dhe struktura administrative ekzistuese veçanërisht të ILDKP-së;

c) Roli i misionit ndërkombëtar të monitorimit nuk duhet të reduktohet;

d) Bashkëpunëtorët e drejtësisë konsiderohen si një mjet i rëndësishëm për të hyrë në praktika korruptive për marrjen e provave.

OPDAT në anën tjetër shpjegoi kontrollin e figurës bazuar në standartet e SHBA-ve, BE dhe NATO-s, sipas të cilave një institucion mbledh informacionin dhe komisioni i rivlerësimit merr vendimin.

Vlerësimet u shprehën edhe në mbledhjen e Komisionit të Posaccëm Parlamentar për Reformën në Drejtësi. Në përfundim të mbledhjes, deputeti Pandeli Majko foli mbi qëndrimin që kishin mbatjur ekspertët mbi dy çështje që kishte shprehur shqetësim opozita.

Së pari institucioni që do të merret me verifikimin e pasurisë së gjyqtarëve dhe prokurorëve do të jetë ILDKPI, dhe kontrollit të pasurisë së tyre nga ana e Drejtorisë se Sigurisë së Informacionit të klasifikuar, ndryshe nga ç?kërkonte PD duke i cilësuar si dy organe që sipas demokratëve janë nën varësinë e pushtetit ekzekutiv e do të sillnin kontroll tërësor të Kryeministrit  në procesin e vlerësimit të gjyqtarëve.

Ndërkohë përsa i takon rolit të OMN në procesin e rivlerësimit të gjyqtarëve dhe prokurorëve, Majko tha se do të jetë ai rol që është shkruar në aneksin kushtetues.

Por, Nënkryetari i komisionit, demokrati Oerd Bylykbashi u shfaq i kënaqur duke pohuar se EURALIUS kishte marrë parasysh një pjesë të opinioneve të PD.

Ekspertët vendas tashmë do të punojnë vërjetjet që kanë paraqitur Euralius dhe Opdat për hartimin e një drafti përfundimtar që do ti paraqitet Kuvendit për miratim. /citynews/

 





Lajmet e fundit nga