web counter
LEXO PA REKLAMA!

SHKARKO APP

App Store
Google Play

Antiterrori arreston 29 vjeçarin nga Mitrovica/Akuzohet për vepra terroriste

17 Gusht 2016, 14:14, Aktualitet CNA

Antiterrori arreston një 29 vjeçar nga Mitrovica, i cili ka tentuar të rrëmbejë 3 shtetas në qytetin e Vlorës.

Burimet zyrtare nga policia bënë të ditur arrestimin e Dijar Xhema, 29 vjeç, lindur e banues në Mitrovicë, Kosovë.

Arrestimi i këtij shtetasi u bë pasi  ka dhunuar fizikisht, psikologjikisht dhe ka tentuar të rrëmbejë me mjetin e tij ‘Audi’ me targa  KS02300CO, tre shtetas me inicialet: B.N, N.I, dhe F. D.  në vende të ndryshme të qytetit të Vlorës brenda një harku kohor prej 2 orësh.

Këto veprime ky shtetas i ka shoqëruar me thirrjet në vende dhe ambiente publike si?Allahu Akbar?, ?Jam i dërguari i Allahut?, dhe ?Do ju vras të gjithëve?.

Nisur nga veprimet e kryera, informacionet e dhëna nga qytetarë dhe reagimi në kohë rekord i  strukturave  të policisë u lokalizua dhe u neutralizua autori i dyshuar i  këtyre akteve duke bërë kështu parandalimin e disa ngjarjeve të rënda kriminale me pasoja dhe impakt në publik.

Theksojmë se ky shtetas si gjatë arrestimit dhe në ambientet e shoqërimit ka kundërshtuar me dhunë punonjësit e policisë.Gjatë kontrollit në automjetin e tij u gjet një sasi lënde narkotike e dyshuar si Cannabis Sattiva.

Nisur sa më lart: shtetasi Dijar Xhema ka dyshime të bazuara dhe arsyeshme, se me veprimet dhe mosveprimet e tij ka konsumuar elementet e veprave penale: ?Vepra me qëllime terroriste?; ?Nxitja, thirrja publike dhe propaganda për kryerjen e veprave me qëllime terroriste?; ?Nxitja e urrejtjes ose grindjeve?, (të mbetura në tentativë); ?Prodhim dhe shitje narkotikeve?, të parashikuara nga nenet 230 gërma a dhe g , 232/a, 265, 283 e 22 të Kodit Penal.

Ky person paraqet rrezikshmeri të theksuar shoqërore pasi në Kosovë është i evidentuar si person me precedent kriminal për tendencën e vrasjes, rrëmbim, dhunim personi, dhunim i punonjësve të organeve ligjzbatuese, mbajtje dhe përdorim pa leje të armëve të zjarrit.

Materialet iu kaluan Prokurorisë për Krimet e Rënda. /citynews/





Lajmet e fundit nga