Pagesa për rrugën e Kombit/Cara: Qeveria aplikoi tarifën maksimale

28 Korrik 2016, 15:56, Aktualitet CNA

Deputeti demokrat Igli Cara e cilësoi tarifën e vendosur për Rrugën e Kombit nga Ministria e Transporteve si më të lartën. Referuar rekomandimeve të konsulentit të BERZH-it për strategjinë e rrugëve me pagesë, Cara thotë se ato propozohen të jenë nga 0.5 në 3.5 cent për km, që do të thotë maksimumi 3.5 euro për 100 kilometra.

Reagimi i plotë i deputetit Igli Cara

?Bie dakord që investimi më i madh shqiptar i të gjitha kohërave, për të cilin Rama s?ka lënë gjë pa thënë e sharë ish-kryeministrin Berisha e qeverinë e tij, duhet mirëmbajtur, duhen mbaruar disa punime të lëna por me të dhënat që disponoj, ky koncesion është shumë i kushtueshëm dhe jo në interes të shqiptarëve. Për më tepër shtohen dyshimet kur mendon që u soll e u votua në Parlament ditën e konsensusit për reformën në drejtësi, pse jo për t?i shpëtuar debatit publik, si për të kujtuar shprehjen ?ujku mjegull do?. Të mendosh që e sjell pikërisht në kulmin e sezonit turistik dhe rezultati i parë i dukshëm për shqiptarët andej, e këtej kufirit, jo pak por 10 euro më shumë vajtje?ardhje.

I paarsyeshëm, boll t?ju sjell ndërmend që ne për karburantin paguajmë më shumë, paguajmë 300 lekë të vjetra për çdo litër karburant (takse qarkullimi) dhe kush nuk e mban mend, kjo taksë është vendosur për të drejtën e përdorimit të rrugës, pikërisht për t?i mirëmbajtur ato. Sa herë do të duhet t?i paguajmë rrugët, për më tepër dhe pse rreth 30 % më shtrenjtë se konsulenti ndërkombëtar propozon?! A i ka llogaritur njeri kostot mbi turizmin, tregtinë apo do vazhdojmë të çojmë turistë e punë në Tivar e Selanik?! Problematike kjo tarifë është më tepër për banorët e Kukësit, zonave përreth, të cilët do të paguajnë më shumë për t?u lidhur me pjesën tjetër të Shqipërisë.

Mos harrojmë që këta banorë nuk kanë rrugë alternative. i them këto duke u bazuar dhe tek rekomandimet e konsulentit të BERZH për strategjinë e rrugëve me pagesë. Ky studim është realizuar me një grant 150,000 euro dhe ministri Haxhinasto kur ka mbrojtur miratimin e grantit në Parlament, ka thënë se këtu do bazohet për dhënien e rrugëve me pagesë. Në këto rekomandime tarifa për Rrugën e Kombit jepet nga 0,5 cent deri ne 3,5 cent për km që do të thotë maksimumi 3,5 euro për 100 km. Pra, ministria po aplikon tarifën maksimale. Gjithashtu, në rekomandimin 10 të strategjisë thuhet që manaxhimin e rrugëve me pagesë ta bëjë ARRSH dhe do të ishte më pak e kushtueshme për qytetarët?.

/citynews/