web counter
LEXO PA REKLAMA!

SHKARKO APP

App Store
Google Play

Krimet e Rënda pranojnë kërkesën e Riformatos/Piloti i drogës do e kryejë dënimin në Itali

28 Korrik 2016, 13:43, Aktualitet CNA

Gjykata e Krimeve të Rënda pranoi kërkesën e Giorgio Riformatos për të kryer dënimin në Itali, duke lejuar në këtë mënyrë ekstradimin drejt vendit fqinj.

I pandehuri, cili ishte piloti i avionit me drogë të rrëzuar në Divjakë ka bërë kërkesën në gjykatë për të kryer dënimin në një qendër të kryerjes së dënimit pranë familjes së tij për shkak të gjëndjes së tij shëndetësore dhe moshës.

Më 2 qershor, piloti italian Giorgo Riformato përfundoi në spitalin e burgut për shkak të problemeve me tensionin.

70 vjeçari është dënuar me 12 vite burg nga Gjykata e Apelit e Krimeve të Rënda për trafik droge.

Ai u kap në maj të vitit 2014 në plazhin e Divjakës me një avion të vogël me të cilin po transportonte lëndë narkotike kanabis në drejtim të Italisë.

Për bashkëpunëtorët e pilotit, shtetasit Sajmir Bajrami, Marenglen Ymeraj, Kristjan Demce, Kleviol Ahmeti, Aurel Pupe, Orgest Bilbili Gjykata e Shkallës së Parë për Krimet e Rënda dha në total 47 vite burg.

Ata u arrestuan më 10 Maj 2014 në flagrance me 390 kg kanabis që dyshohet se do transportohej me avion drejt Italisë. /citynews/





Lajmet e fundit nga