web counter
LEXO PA REKLAMA!

SHKARKO APP

App Store
Google Play

E fundit!

x

Vettingu, LSI kundër PS-së/Silva Caka: Votimi pr/ligjeve, pasi të hyjnë në fuqi ndryshimet kushtetuese

28 Korrik 2016, 13:09, Aktualitet CNA

Lëvizja Socialiste për Integrim është pozicionuar sërisht kundër Partisë Socialiste përsa i takon reformës në drejtësi. Këtë rradhë debati ka të bëjë me votimin e paketës ligjore që mundëson zbatimin e reformës në drejtësi, ku me pr/ligjeve është edhe ai për vettingun. Socialistët kërkojnë miratimin e 7 pr/ligjeve sa më shpejt, kjo pasi ndërkombëtarët nisën presionin për miratimin e drafteve, pavarësisht hyrjes në fuqi të ndryshimeve kushtetuese, të cilat janë botuar në fletoren zyrtare, por hyjnë në fuqi më 11 Gusht.

Deputetja e LSI-së Silca Caka, e pranishme në një studio televizive, theksoi se nisma e PS-së për miratimin sa më shpejt të paketës ligjore cënon afatet kushtetuese.

?Po kërkohet që të miratohet një ligj organik që është pjesë e atij kuadri ligjor që ne i kemi miratuar me konsensus dhe për tu plotësuar ky kuadër ligjr duhet që të hyjë në fuqi ndryshimet kushtetuese?, tha Caka.

Ndërkohë referuar asaj nëse seanca e së hënës ishte e fundit për këtë session parlamentar, deputetja e LSI sqaron se Rregullorja e Kuvendit e thotë qartë se e enjtja e fundit e korrikut (konkretisht sot) shënon apriori fundin e sesionin parlamentar dhe e enjtja e parë e shtatorit shënon fillimin e sesionit të ri.

Sipas Cakës,  seanca e të hënës praktikisht ka shënuar përfundimin e seancës plenare për këtë sesion.

Por pavarësisht kësaj ajo thotë se për emergjenca parlamentare seanca plenare mund të thirret edhe jashtë sezoni, por e gjitha kjo duhet të kryhet në përputhje me afatet kushtetuese. /citynews/

 





Lajmet e fundit nga