web counter
LEXO PA REKLAMA!

SHKARKO APP

App Store
Google Play

E fundit!

x

Grabitja në Rinas/ Policia nuk njoftoi Prokurorinë për furgonin

23 Korrik 2016, 16:49, Aktualitet CNA

Prokuroria dhe policia duket se do ta kenë te vështirë të bien në gjurmë të autorëve të grabitjes spektakolare në Rinas.

Ndonëse në duar të hetuesve ka rënë një nga provat kryesore furgoni, i cili dyshohet se është përdorur nga agresorët për tu larguar së bashku më paratë, pasi i vunë zjarrin makinës që kryen grabitjen, praktikisht kjo provë nuk ka ndihmuar shumë në zbardhjen e ngjarjes.

Mjeti u gjet i braktisur disa ditë më parë në zonën e pallatit me shigjeta dhe më pas ai u dërgua në Drejtorinë e Policisë nga efektivë e komisariatit numër 2.

Por kjo gjë ka dëmtuar seriozisht provat dhe e ka bërë praktikisht të pavlerë identifikimin e personave që kanë udhëtuar në të, raporton Ora.

Ndërkohë, Prokuroria për Krimet e Rënda e cila po drejton hetimet për grabitjen duke se nuk ka patur informacione për furgonin. Burime nga ky organ konfirmojnë se nuk janë në dijeni të një fakti të tillë dhe se nuk janë njoftuar nga policia se është gjetur një mjet i dyshuar se është përdorur në grabitjen e 30 qershorit.

Hetuesit thonë se i kanë deleguar policisë të kryejë veprime hetimore por për gjetjen e një mjeti nuk kanë informacion.

Gjithashtu prokuroria thotë se është në pritje të ekspertizës së parukës së gjetur në vendin ku u dogj makina, me të cilën grabitësit u larguan nga pista e Rinasit. Hetimet po vijojnë në gjetjen e elementëve të përbashkëta mes grabitjes së fundit dhe dy të mëparshmet pasi dyshohet se është i njëjti grup.





Lajmet e fundit nga