Drejtësia/ Genc Ruli: Ja pikat e dobëta të reformës! U ndërtua me nxitim, por s’do të thotë me cilësi

23 Korrik 2016, 14:46, Aktualitet CNA

Deputeti demokrat Genc Ruli e krahasoi shpejtësinë me të cilën u hartua dhe miratua reforma në drejtësi si ajo godina që ndërtohet me shpejtësi të madhe për të strehuar njerëzit që kanë mbetur pa shtëpi, sepse ia ka prishur tërmeti.

Në këtë kuadër, Ruli tha se godina e ngritur vërtet strehon njerëzit, por kjo s?do të thotë se është bërë me cilësi.

Në një intervistë për ABC news, deputeti demokrat ka evidentuar disa nga problemet që ka reforma në drejtësi. Ai akuzoi kryeministrin Rama se nuk e donte Reformen, dhe luajti me dinakëri për dështimin e saj. Sipas Rulit kjo reformë do të jetë pozitive në tërësi, pavarësisht defekteve dhe mangësirave.

Referuar fjalimeve të Kryeministrit Edi Rama, dhe Kreut të Komisionit të Posaçëm Parlamentar për Reformën në Drejtësi, Fatmir Xhafaj, Genc Ruli tha se pati premtime mbi revolucionin më të madh social-politik që u zhvillua në Shqipëri, sikundër u tha për reformën në drejtësi, por do të shihet nëse kjo do t?i shërbejë qytetarëve apo jo.

Referuar akuzave të Kryeministrit ndaj korrupsionit në drejtësi, Ruli theksoi se këto akuza dhe stigmatizimi i korrupsionit në drejtësi, është përdorur për të mbuluar korrupsionin në qeveri.

Për deputetin demokrat tashmë i rëndësishëm është që vullneti politik të jetë maksimal në zbatimin e kësaj reforme, në mënyrë që rezultatet e saj të jenë të prekshme.

Ruli tha se veç pjesës që ka të bëjë me monitorimin ndërkombëtar, pjesën tjetër u bë me një nxitim dhe kam përshtypjen se kemi një problem mbi atë që quhet check & balance, më konkretisht mbi kontrollin e politikës ndaj gjyqësorit dhe anasjelltas.

Një tjetër problem, sipas Rulit, ka të bëjë me rekrutimin e njerëzve me dinjitet në sistemin e drejtësisë.

?Mendoj se njeriun me dinjitet, njeriun e fortë, vështirë se do e tërheqë! Ligji parashikon që personat që do të kandidojnë për Prokurorinë Speciale apo Gjykatën Speciale janë të detyruar të bëjnë një deklaratë ku pranojnë ti përgjohen telefonat celularë të tyre dhe familjarëve të tyre. Kjo përbën shkelje të dinjitetit, dhe ka më shumë premisa që këtu të hyjnë njerëzit më pak dinjitet?, tha Ruli. /citynews/