web counter
LEXO PA REKLAMA!

SHKARKO APP

App Store
Google Play

E fundit!

x

Drejtësia/Vettingu, 600 Prokurorë dhe Gjyqtarë “skanohen” në vjeshtë

23 Korrik 2016, 12:50, Aktualitet CNA

Rreth 600 prokurorë dhe gjyqtarë , duke përfshirë edhe Kryeprokurorin dhe anëtarët e Gjykatës së Lartë, do t?i nënshtrohen Vettingut, duke shënuar kështu nisjen e procesit të reformës në drejtësi.

Ndryshimet Kushtetuese të miratuara, në orët e para të mëngjesit të 22 Korrikut, do të pasohen nga draftet ligjore që priten të miratohen po me konsensus në seancën parlamentare të 25 Korrikut, duke përmbyllur në këtë mënyrë bazën ligjore mbi reformën e drejtësisë.

Nga momenti që ligjet hyjnë në veprim, dhe Vettingu nis funksionimin, do të fillojë edhe procedura e vlerësimit të aftësisë profesionale për Prokurorët e Gjyqtaret.

Brenda 30 ditëve ata janë te detyruar të plotësojnë deklaratën e pasurisë dhe formularin e deklarimit për kontrollin e figurës; që përbejnë 3 komponentët e Vettingut, për të cilat në fund do të gjykohet nëse do të qëndrojnë në detyrë apo do të shkarkohen.

I gjithë procesi do të mbikëqyret nga Operacioni Ndërkombëtar i Monitorimit, të cilët kanë rol monitorues dhe këshillues. Ky Operacion përfshin partnerët në kuadër të procesit të integrimit evropian dhe bashkëpunimit Euro-Atlantik dhe udhëhiqet nga Komisioni Europian.

Ndryshimet kushtetuese pritet të dekretohen nga President i Republikës, i cili thjesht ka rolin e çertifikuesit të procesit, por jo rikthimin e tyre në Kuvend. Pas dekretimit nga Presidenti, ligjet hyjnë në fuqi dy javë pas botimit në Fletoren Zyrtare. /citynews/





Lajmet e fundit nga