web counter
LEXO PA REKLAMA!

SHKARKO APP

App Store
Google Play

Shpartallohet opozita në bazë/PD nuk mbyll dot zgjedhjet, afati ka përfunduar

9 Korrik 2016, 11:44, Aktualitet CNA

Partia Demokratike nuk po mbyll dot zgjedhjet e brendshme në disa nga degët e saj kryesore, ndërkohë që afati zyrtar i përcaktuar nga kreu demokrat Lulzim Basha ka përfunduar.

Situata e krijuar ka sjellë kaos në bazën e partisë më të madhe opozitare, ndërsa në jo pak raste ka pasur largime të anëtarësisë së saj nga kjo parti në drejtim të subjekteve të tjera politike, në koalicion me PD. Problemet nisin me Tiranën dhe vazhdojnë me Korçën, Durrësin, Shkodrën, Vlorën, në të cilat duhej të ishte përmbyllur procesi i zgjedhjeve.

Proçesi duhej të përfundonte me zgjedhjen e 35 kryetarëve të rinj, nga të cilat 14 do të jenë degë të reja. Por ky proces u shoqërua me kundërshti të forta nga drejtuesit e 21 degëve ekzistuese.

Sipas urdhrit të kreut demokrat Lulzim Basha, i cili mban datën 29 prill, brenda 30 qershorit strukturat në bazë duhej të mbyllnin procesin e riorganizimit për të futur në garë procesin për zgjedhjen e kryetarëve të rinj, që duhej të përfundonte brenda dy javësh.

Por grupet e punës përgjatë dy muajve (Maj dhe Qershor) veç raportimeve që kanë bërë pranë kreut demokrat nuk kanë mundur të organizojnë asnjë proces zgjedhor, duke lënë pezull 21 degë ekzistuese dhe 14 të reja, që do të krijohen në përputhje me ndarjen e re territoriale.

E gjithë kjo situatë, e cila me shumë pak gjasa mund të përmbyllet edhe në ditët në vijin, ka krijuar kaos në funksionimin e degëve të PD-së, të cilat duket se janë jashtë funksionimit, ndërsa baza e partisë është e shpartalluar. Kjo edhe për shkak të përplasjeve të krijuara nga të deleguarit e qendrës së PD në këto degë.

Ndoshta ky është edhe momenti më i vështirë që po kalon Partia Demokratike në kuadrin e riorganizimit të saj ku veç problemeve të krijuara për shkak të pezullimit të 21 drejtuesve të degëve të PD-së, procesi nuk po arrin të përmbyllet në një kohë kur shanset për zgjedhje të parakohshme, për shkak të krizës që ka përfshirë koalicionin qeveritar janë evidente. /citynews/





Lajmet e fundit nga