web counter
LEXO PA REKLAMA!

SHKARKO APP

App Store
Google Play

E fundit!

x

Koalicioni më i pështirë/Koço Kokëdhima negociata me Fahri Balliun!

9 Korrik 2016, 09:01, Aktualitet CNA

Prej gati 1 jave në Gjirin e Lalzit, i njohur tashmë për negociatat e shumta politike që zhvillohen sa herë ka çështje të nxehta apo përplasje mes palëve, Koço Kokëdhima dhe Fahri Balliu duket se kanë intensifikuar takimet dhe bisedat.

Të dy botuesit e dy mediave njihen si miq të Kryetarit të LSI-së Ilir Meta. E ndërsa ish-deputeti socialist i Vlorës të paktën përfaqëson një linjë kundër reformës në drejtësi, duke pasur ndikim tek disa nga ligjvënësit e mazhorancës, nuk dihet se me çfarë tagri është në këto negociata Fahri Balliu.

Ai njihet për miqësinë disa vjeçare me Ilir Metën, sikundër për raportet herë të afërta dhe herë të largëta me lidershipin e PD-së, por nuk dihet nëse në takimet dhe bisedat me Kokëdhimën përfaqëson partinë më të madhe të opozitës, apo thjesht luan rolin e përcjellësit të mesazheve nga Gjiri i Lalzit në zyrat e Partisë Demokratike.

Nëse Balliu do të ishte prezent në bisedat me Kokëdhimën dhe Metën thjesht si mik i tyre këtu nuk ka asnjë gjë të keqe. Por nëse ai do të ishte në rolin e një të dërguari nga selia e PD-së apo lidershipi i saj, ndoshta koalicioni që do të ngjizej do të ishte më i pështiri.

Kjo për faktin se Kokëdhima në këto negociata thjesht përfaqëson një grup deputetësh, që nuk dihet sesa janë në të vërtetë, ndërsa Balliu nuk mban asnjë pozicion zyrtar në PD, partinë më të madhe të opozitës.

Ajo çka mund të thuhet deri më tani është fakti se Kokëdhima dhe Balliu, herë pas here edhe në praninë e Kryetarit të LSI-së, kanë intensifikuar takimet, ndërsa nga Partia Demokratike, janë stopuar sulmet ndaj ish-deputetit socialist të Vlorës, sapo ai ndërmorri sulmet e para ndaj Kryeministrit dhe pati një ofrim me Kryetarin e Kuvendit.

Nuk dihet se kush e ka meritën më të madhe në ndërprerjen e akuzave ndaj Kokëdhimës, Fahri Balliu ao Ilir Meta, por nuk është çudi që Kokëdhima të shfaqet në një aleancë kundër Ramës në zgjedhjet e ardhshme parlamentare./citynews/

 





Lajmet e fundit nga