E fundit!

10:57 Aktualitet

Rama i nxjerr “simpatizantes” së Iranit foton me kryeshërbëtorin famkeq të Ajatollahëve

Në protestat e zhvilluara prej më shumë se tri javësh në T...

Tre muskëtierë kundër reformës në Drejtësi/ Kokëdhima e Balliu në gjirin e Metës

9 Korrik 2016, 08:18, Aktualitet CNA

Kur kanë mbetur edhe pak ditë nga afati për votimin në Kuvend të draftit të ndryshimeve Kushtetuese , në kuadër të reformës në drejtësi, janë intensifikuar takimet pro dhe kundër për një nga reformat më të mëdha në vend.

E ndërsa ndërkombëtarët përmes Ambasadorëve të tyre të akredituar në Tiranë kanë nisur kontaktet individuale me deputetët në përpjekje për të siguruar votat pro reformës, në anën tjetër janë intensifikuar takimet për dështimin e kësaj reforme. Koço Kokëdhima, ish-deputet i PS-së në Qarkun e Vlorës, së fundmi ka intensifikuar takimet me Kryetarin e Kuvendit, njëherëz edhe Kryetar i LSI-së, Ilir Meta, ndërsa të dy politikanët janë poicionuar kundër miratimit të reformës pa një konsensus me opozitën.

Cityneës ka informuar për takimet në Lalz mes Metës dhe Kokëdhimës mbrëmjen e djeshme, ku e pranishme ishte edhe deputetja Mira Shehu. Por mësohet se në takimet Meta-Kokëdhima ka qenë i pranishëm edhe Fahri Balliu, një prej miqve të Kreut të LSI-së, por i njohur edhe për lidhjet e tij me lidershipin demokrat.

Në këtë mënyrë duket se si Kokëdhima, dikur mik i Edi Ramës dhe një nga mbështetësit kryesorë të tij, dhe Fahri Balliu, që prej vitesh shfaqet si një alet dhe mbështetës i Metës, pavarësisht se njihet edhe për lidhjet me lidershipin e PD-së, përbëjnë treshen e ?muskëtierëve? kundër reformës në Drejtësi. Kokëdhima, sipas burimeve nga Kuvendi, ka nën kontroll disa nga deputetët socialistë, dhe nëse kjo është e vërtetë, ai ofron një garanci më shumë për mosmiratimin e reformës. Në anën tjetër Fahriu duket se është një garanci për linjën e ndjekur nga lidershipi i PD-së në lidhje me reformën, ndërsa Ilir Meta ka vendosur kushtet e tij për miratimin e draftit, edhe pse publikisht ka deklaruar se votat e deputetëve të LSI do të jenë pro draftit. Mësohet se edhe në takimin me Kryeministrin, zhvilluar dy ditë më parë, Meta dhe Rama nuk kanë gjetur gjuhën e përbashkët për reformën në drejtësi, ndërsa përsa i takon ndryshimeve në Qeveri, kreu i LSI-së ka kërkuar largimin e Sajmir Tahirit dhe Edmond Haxhinastos nga postet që ato mbajnë.

Ajo çka mund të thuhet sot është fakti se takimet Meta-Kokëdhima-Balliu në gjirin e Lalzit janë intensifikuar, ndërsa ish-deputeti i Vlorës duket se përfundimisht ka ndërprerë çdo lloj komunikimi me Kryeministrin, duke zgjedhur mes tij dhe Kryetarit të Kuvendit, këtë të fundit. /citynews/