E fundit!

10:16 Politikë

Murrizi paralajmëron Berishën: Koha e këllirave duhet të marrë fund ose do fundoseni

Ish-deputeti i Partisë Demokratike, Myslim Murrizi, ka rea...

Grabitja në Rinas/ Përplasje të forta në Komitetin e Sigurisë

9 Korrik 2016, 06:44, Aktualitet CNA

Mbledhja e djeshme e Komitetit të Sigurisë së Aviacionit Civil është shoqëruar me përplasje të forta mes përfaqësuesve të institucioneve lidhur me grabitjen e ndodhur 10 ditë më parë në aeroportin e Rinasit. Në mbledhjen e drejtuar nga kreu i Aviacionit Civil, Aleksandër Lipivani, kanë marrë pjesë zëvendësministri i Transporteve, Bahri Shaqiri, drejtori i Përgjithshëm i Policisë së Shtetit, Haki Çako, drejtori i Kufirit, Genc Merepeza, drejtori ekzekutiv i Aeroportit, Rolf Castro Vasquez dhe një sërë zyrtarësh të tjerë të lartë. Sipas të përditshmes “Sot”, mbledhja ka patur debate të ashpra dhe të forta, pasi secila palë ka mbrojtur veten dhe është distancuar nga përgjegjësia. Është mësuar se policia ka akuzuar kompaninë koncensionare se ka injoruar kërkesat e vazhdueshme për rritjen e sigurisë në aeroport. Përfaqësuesit e Policisë së Shtetit dhe të Ministrisë së Transporteve kanë akuzuar kompaninë koncensionare se nuk aplikon standardet ndërkombëtare të sigurisë aeroportuale, ndërsa kanë përmendur faktin se kompania nuk ka vendosur kamera as në pikat kyçe, siç ishte pika e hyrjes së automjeteve, nga ku hynë edhe grabitësit.

Zyrtarë të ndryshëm kanë paralajmëruar ndryshimin e kontratës me kompaninë koncensionare ?Tirana International Airport?(TIA) me qëllim shtimin e forcave policore, edhe në pikat që deri më tani vëzhgoheshin nga kompania private e sigurimit. Duket se të gjitha lëvizjet do të çojnë në pikën e ndryshimit të kontratës me koncensionarin, ku do të kërkohet prezencë më të madhe të policisë. Prokuroria prej një jave ka nisur hetimet si ndaj punonjësve të aeroportit ashtu edhe policisë. Edhe pse ka kaluar më shumë se një jave që kur ka ndodhur grabitja, ende nuk është e qartë se e kujt është përgjegjësia, ndërsa vetë policia nuk ka arritur të identifikojë autorët që mendohet se kanë grabitur 1 milion eurot e një banke të nivelit të dytë.