Kriza politike në Maqedoni si kusht për anëtarësim në NATO?

8 Korrik 2016, 22:52, Aktualitet CNA

Në çdonjërin prej tre samiteve të fundit të NATO-s, Maqedonia ka marrë nga një detyrë të re, por të njëjtat nuk i ka plotësuar, tha profesori Stojan Sllavevski. Akoma nuk është nënshkruar marrëveshja me Bullgarinë për marrëdhënie të mira fqinjësore, nuk është zgjidhur problemi me emrin me Greqinë, kusht ky që doli nga Samiti i Bukureshtit në vitin 2008. Ndërkaq për më tepër, akoma nuk është zbatuar plotësisht Marrëveshja Kornizë e Ohrit, kërkesë kjo e cila erdhi nga Tirana zyrtare , tha Sllavevski. Padyshim, Maqedonia edhe nga Samiti në Varshavë do të ngarkohet me ndonjë detyrë të re, të cilën duhet ta zgjidh në dy vitet e ardhshme, tha Sllavevski.

?Mundemi të themi se Maqedonia në vend se t?i zgjidhë problemet dhe të ec përpara, ajo po stagnon dhe me disa veprime të caktuara po kthehet prapa sa i përket anëtarësimit në NATO. Pres që pas këtij samiti do të na vendoset një kusht shtesë, dhe kjo do të jetë zgjidhja e krizës politike dhe sundimit të ligjit, si parakusht, me qëllim që të vazhdojmë me integrimin e mëtutjeshëm?, u shpreh Stojan Sllavevski, Profesor Universitar.

Ndërkaq, profesori Nano Ruzhin tha se fakt është se edhe pas samitit të Bukureshtit, kur Maqedonia mori ftesë për anëtarësim, por u bllokua nga Greqia, erdhi deri te një zhgënjim dhe skepticizëm ndaj NATO-s. Por, ai shtoi se Maqedonia duhet të bëhet pjesë e NATO-s, e për këtë qëllim, siç tha, shteti nuk po bën gjë. Mungesa e kryeministrit dhe kryetarit të shtetit në samitin e Varshavës, sipas profesorit Ruzhin, tregon se shteti është i pa interesuar në lidhje me NATO-n.

?Me këtë sjellje, shteti në drejtim të bashkësisë ndërkombëtare po dërgon mesazh se ajo e nënvlerëson NATO-n, ose është duke menduar për ndonjë opsion tjetër. Sidoqoftë, mesazhi diplomatik është shumë i papërshtatshëm, sepse një shtet aspirant nuk do të duhej ta lejojë këtë. Nga njëra anë, Kryetari Ivanov thotë se është i zemëruar për shkak të mosrespektimit të vendimit të Gjykatës Ndërkombëtare në Hag, ndërkaq nga ana tjetër e porositë Obamën se duhet të bëhemi anëtare e NATO-s?, tha Nano Ruzhin, Profesor Universitar.

Ndryshe, NATO është themeluar në vitin 1949 me qëllim parësor ? mbrojtjen e vendeve anëtare. Nga Ballkani Perëndimor, në dekadën e fundit, në NATO u anëtarësuan Bullgaria, Kroacia dhe Shqipëria, kurse Mali i Zi, para pak kohësh mori ftesë. Ndërkaq vendet anëtaret tashmë po i ratifikojnë marrëveshjet për anëtarësim. Maqedonia ishte e gatshme që në raundin e parë për vendet e Ballkanit, por vetoja nga Greqia, Maqedoninë vazhdon ta mbajë larg NATO-s./tv21