web counter
LEXO PA REKLAMA!

SHKARKO APP

App Store
Google Play

Tentoi të vriste oficerin e SHKB/Prokuroria kërkon 24 vite burg për Ermir Skejën

9 Korrik 2016, 09:12, Aktualitet CNA

Prokuroria e Matit ka kërkuar dënimin me 24 vjet burg për të pandehurin Ermir Skeja, i akuzuar për ?vrasje në rrethana cilësuese?, mbetur në tentativë ndaj dy personave, për një ngjarje të ndodhur në 28  maj 2015 në zonën e quajtur ?Baz?.

Sipas Prokurorisë, ?i pandehuri Skeja ngacmonte bashkëjetuesen e shtetasit Libjond Permaku, efektiv i Shërbimit të Çështjeve të Brendshme dhe Ankesave. I dëmtuari Permaku ka tentuar disa herë që të ndërhyjë te familjarët e Skejës, për të kërkuar prej këtij të fundit që të mos shqetësonte bashkëjetuesen e tij. Por këto tentativa nuk kanë rezultuar efikase.?

Ditën e ngjarjes, i dëmtuari Permaku dhe miku i tij Vilson Totraku kanë qenë në qytetin e Matit, kur janë përballur me të pandehurin Ermir Skeja. Ndërmjet Permakut dhe Skejës ka nisur një konflikt fizik. Nga goditjet, ka mbetur i dëmtuar Skeja, i cili ka reaguar duke qëlluar me një pistoletë, të cilën e mbante pa leje.

Nga goditjet e para, ka mbetur i plagosur me disa plumba në trup i dëmtuari Permaku. Menjëherë pranë tij ka shkuar edhe Vilson Totraku, ndaj të cilit është qëlluar sërish me pistoletë nga i pandehuri Skeja.

Dy të plagosurit, në bazë të aktit të ekspertimit, rezulton se kanë marrë plagë, të cilat kanë qenë të rrezikshme për jetën në momentin e goditjes.

Pas plagosjes, autori Ermis Skeja është larguar menjëherë nga vendi i ngjarjes dhe nuk është bërë i mundur arrestimi i tij.

Ndërkohë, dy të plagosurit janë marrë me një makinë të rastit, drejtuar nga një kirurg, i cili i ka dërguar me urgjencë në spitalin e qytetit. Për shkak të gjendjes së rëndë shëndetësore, dy të plagosurit u dërguan me urgjencë në Spitalin e Traumës në Tiranë, ku iu nënshtruan ndërhyrjeve, të cilat u shpëtuan jetën. /citynews/

 





Lajmet e fundit nga