web counter
LEXO PA REKLAMA!

SHKARKO APP

E fundit!

x

Video+Foto/ Bashkia masakron parkun në Pogradec, priten pemët dhjetra vjeçare

16 Qershor 2016, 12:01, Aktualitet CNA

Bashkia e Pogradecit ka nisur prerjen e pemëve në parkun e liqenit të këtij qyteti. Burime nga vendngjarja thanë për citynews se prej disa ditësh Bashkia po masakron pemët dekorative qindra vjeçare.

Qytetarët e Pogradecit kanë dalë disa herë në protestë për të mbrojtur pemët, por zëri i tyre duket se ka rënë në vesh të shurdhët.

Të njëjtat burime thanë për citynews se Policia e Shtetit ka shoqëruar dy herë në komisariat punonjësit e Bashkisë, pasi ky institucion nuk kishte marrë leje, por kjo nuk e ka ndalur prerjen e pemëve.

Pogradeci njihet për pemët karakteristike dhe për hijen që ato krijojnë në vijën e bregut të liqenit, ku shumë pushues zgjedhin këtë zonë edhe për shkak të freskisë dhe bukurisë që të ofron bota bimore.

Ky është një skandal i Bashkisë Pogradec dhe kryetarit Eduart Kapri, i cili duket se kërkon ta kthejë parkun pranë liqenit në një zonë të betonuar. Mësohet se Kapri u ka kërkuar bizneseve të vendosin çadra për të zëvendësuar pemët e prera që krijonin hije.

Qyteti i Pogradecit është një zonë e varfër ekonomike dhe të vetmen mundësi për zhvillim ka turizimin, falë kushteve klimatike dhe natyrës së veçantë. Prerja e pemëve jo vetëm që largon turistët, por rrezikon natyrën dhe vetë liqenin e Pogradecit.

 





11:13 Aktualitet

Droga e mirë

Mund t’iu duket tërheqëse droga. Mund t’ua ushqejë fantazinë...

Lajmet e fundit nga