web counter
LEXO PA REKLAMA!

SHKARKO APP

App Store
Google Play

E fundit!

x

Reforma në Drejtësi/ Petrit Vasili: Opozita ka të drejtë, rekomandimi 88 është legjitim

16 Qershor 2016, 10:52, Aktualitet CNA

Sekretari i Përgjithshëm i LSI-së, Petrit Vasili, i ka dhënë të drejtës opozitës për pretendimet e saj për rekomandimin 88 të Venecias për Reformën në Drejtësi.

Përmes një konference për shtyp, Vasili tha se Kriza e rekomandimit 88 të Venecias nuk mund të mbasjë peng Reformën në Drejtësi.

?Kriza e rekomandimit 88 nuk mund të mbajë peng Reformën në Drejtësi. Opozita po kërkon një të drejtë që në parim është legjitime, pasi kërkon moskapjen e sistemit të drejtësisë ?,tha Vasili

Vasili ka shprehur pakënaqësinë e LSI-së për mos realizimin e reformës të paktën dy muaj më parë. Ai tha se në rast se reforma do të miratohej pa opozitën, do të ngriheshin pikëpyetje për krijimin e institucioneve të reja.

?Megjithëse është bërë një punë e madhe, LSI shpreh pakënaqësinë e saj për mos realizimin e reformës, të paktën dy muaj më parë. Në rast se miratimi i reformës do arrihej pa opozitën ekziston pikëpyetja për krijimin e institucioneve të reja? , tha Vasli

Sipas tij, përbetimi i opozitës se do ta votojë reformën në drejtësi është një sukses pasi ajo ka pranuar ndryshimin e sistemit aktual të gjyqësorit.

?Është e qartë për të gjithë dhe opozita është përbetuar se do ta votojë reformën, dhe kjo është sukses, pasi ajo ka pranuar ndryshimin e sistemin e drejtësisë?, tha sekretari i përgjithshëm i LSI-së.





Lajmet e fundit nga