web counter
LEXO PA REKLAMA!

SHKARKO APP

App Store
Google Play

E fundit!

x

Droga e mirë

16 Qershor 2016, 11:13, Aktualitet CNA

Mund t’iu duket tërheqëse droga. Mund t’ua ushqejë fantazinë e përftuar nga filmat me mafie, ta pranoni moralisht atë dhe të mos iu bëjë përshtypje që Shqipëria është mbjellur deng me kanabis. Por nja dy fjalë duhen thënë.

1. Nëse e pranoni drogën duke thënë se kështu pasurohet populli e keni gabim. Nuk pasurohet populli, pasurohen klanet kriminale sepse ato para nuk shkojnë për popullin por shkojnë për të blerë zgjedhjet, median dhe për ta mbajtur popullin të nënshtruar.

2. Mos u bëni naivë, se të ishte se me drogë pasurohet populli, qeveria nuk do ta lejonte mbjelljen e drogës, sepse logjikisht, nëse qeveria do kishte interes pasurimin e popullit, do të punonte për rritjen ekonomisë e punësimit, s’do shkohej tek droga si zgjidhje.

3. Sipas FMN-së, 2.5% e GDP-së botërore, përkthyer në shifra i bie rreth 2500-3500 miliardë dollarë (GDP botërore më 2014-n ishte rreth 75 000 miliardë USD) vjen nga burimet kriminale. Dhe e kuptoni besoj se ketë shumë nuk e qarkullojnë popujt e varfër, as shkon për popujt e varfër. Shkon për shantazh, për kapje të medias, për blerje zyrtarësh, për rrëzim qeverish dhe për forcimin e perandorive ekonomike të krimit ndërkombëtar.

4. Për ta përforcuar ketë duhet pyetur: Ka 2 vjet që në Shqipëri mbillet kanabis intensivisht dhe kudo ku është e mundshme, sa është pasuruar populli këto kohë? Ndaj mos u gënjeni nga propoganda se pasurohet populli.

5. Reputacioni i një shteti është diçka shumë e rëndësishme për jetesën e qytetarëve të atij vendi. Para vitit 1990, Shqipëria ishte e izoluar, jo vetëm pse kishte sistem çnjerëzor politik, ekonomi të paintegruar por sepse autoritetet shqiptare (qeveria) lidhte marrëveshje me familje mafioze si “Sacra Corona Unita” për trafik duhani, droge e çdo produkti.

Kështu, në sytë e shteteve të tjera, shteti shqiptar ishte një kartel droge që e kishte barazuar veten me organizata kriminale në Itali e Amerikën Latine. Dhe përfunduam në rradhë qumështi, rradhë buke, në skamje mbarëkombëtare; ndër 4 vendet më të varfëra të planetit. Se ky model këtu të çon.

Ndaj edhe sot, reputacioni i shtetit shqiptar, zgjedhjet që ai bën, do të ndikojnë drejtpërdrejt edhe në standartin e ekonomisë, të institucioneve, të lirisë së qytetarëve dhe lirisë së medias (ngaqë këto janë të pazgjidhshme nga njëra-tjetra). Kështu që, ta refuzojmë sa jemi në kohë ketë model e të mos shërbehemi me propgandën e pisët sikur qeveria e lejon kanabisin ngase dëshiron të pasurohet populli./ Nga Indrit Vokshi





Lajmet e fundit nga