E fundit!

13:59 Politikë

Berisha merr në mbrojtje Shehajn: Tano Caridi, lule para Ballës, shkuarja te vila, akt i turpshëm

Kreu i PD-së Sali Berisha ka marrë në mbrojtje Agron Sheha...

Denoncimi i Ndocajt/ Autoritetet lokale të Shëngjinit më censuruan fjalën!

11 Qershor 2016, 20:36, Aktualitet CNA

Deputeti Eduart Ndocaj ka publikuar një denoncim, i cili lidhet me censurimin e fjalës që i është bërë nga autoritetet lokale të Shëngjinit. Përmes një postimi në rrjetet sociale, Ndocaj shkruan se ka qenë i pranishëm në hapjen e sezonit turistik në Shëngjin. “Sot, si gjithmonë tashmë jam i vetmi deputet i Qarkut Lezhë që marr pjese në hapjen e sezonit turistik në Shëngjin. Madje, isha bashkë m e fëmijët e mi.
Fakti që marr pjesë në eventet e Lezhës nuk do të thotë se kam kohë për të humbur ose se jam i papunë, por mendoj se është mision e detyrë që Deputeti, përfaqësuesi me i lartë i sovranit të jetë pjesë e jetës sociale të komuniteti.
Para se të merrja pjesë në ceremoninë e hapjes së sezonit, vizitova dhe një panair të vogël të organizuar e konkretisht vizitova stendën e Postës Shqiptare, Agjencinë Kombëtare të Turizmit e mjaft stenda me punime artizanale.”

Ndocaj shprehet se organizatorët e eventit janë joprofesionalë, servilë dhe të paaftë. “Të flas pak për organizatorët e eventit të hapjes së sezonit turistik, të cilët vazhdojnë të mos jenë profesionale edhe pse mbajnë logon mbi supe të Bashkisë e paguhen me taksat paguesit. Këto punonjës ndonjëherë sillen si servil apo vegël te politikes e herë te tjera si njerëz ë paaftë për punën që paguhen nga taksa paguesit.” vijon denoncimin deputeti Ndocaj.

Më tej Ndocaj thekson se organizatorët nuk i kanë dhënë të drejtën e fjalës, ndërsa shton se deputeti është autoriteti më i lartë i zgjedhur nga populli. “Këta servil apo të paaftë duhet të mësojnë disa gjera thelbësore të protokollit, sepse përfaqësojnë institucionin e Bashkisë:
Së pari, nuk ka autoritet më të lartë se deputeti, sepse zgjidhet nga qytetarët, përfaqëson sovranitetit.
Në një Republikë Parlamentare si kjo e jona edhe Kryeministri edhe Presidenti dalin përmes vullnetit e mandatit të deputetit!
Deputeti është abc e Shtetit te së Drejtës dhe simboli i demokracisë e Republikës Parlamentare.
Kryetar i një Njësie Administrative, qoftë Shëngjini apo n/ Kryetar i një Bashkie qoftë i Lezhës janë të emëruar e për rrjedhoje nuk janë më lartë në hierarki se sa deputeti.
Këtë kritikë të organizatorëve të eventit të hapjes së sezonit turistik e bëj, sepse ata me injorancën dhe servilizmin e tyre nuk më dhanë të drejtën e fjalës.
Pra, ata kanë censuruar një deputet e për këtë duhet të mbajnë përgjegjësi.”

Ndocaj deklaron se është një nga deputetët më aktivë për qarkun e Lezhës, për të cilin nga ngritur problematika të ndryshme. “Po ashtu jam ndër kontribuuesit kryesor të rotacionit të pushtetit lokal në Lezhë.
Si deputetë jam i vetmi që ngre problematikat e Lezhës në të gjitha nivelet. Vazhdimisht kam ngritur problemet edhe për Shëngjinin. Kritika ime është se nuk duhet të bëhen punimet e infrastrukturës në sezon. Kjo praktikë duhet të marr fund.
Shëngjini ka potenciale të jashtëzakonshme e duhet të punohet më shumë.” përfundon denoncimin Ndocaj.