web counter
LEXO PA REKLAMA!

SHKARKO APP

App Store
Google Play

E fundit!

x

Luan Rama: Reforma në drejtësi nuk është çështje dëshirash

11 Qershor 2016, 17:43, Aktualitet CNA

 

Sekretari i Përgjithshëm i Lëvizjes Socialiste për Integrim, Luan Rama ka deklaruar se Reforma në Drejtësi nuk është çështje dëshirash. I pranishëm në  Konventën Zgjedhore të Gjirokastrës organizuar nga Lëvizja Socialiste për Integrim, Rama theksoi se LSI ka nisur një proces zgjedhor që në thelb është një proces ristrukturimi dhe riformatimit i të gjitha niveleve, i të gjitha strukturave të partisë në funksion të horizontit ku ne duam të mbërrijmë.

Në aktivitet morën pjesë Sekretari i Përgjithshëm i LSI-së, z. Luan Rama, Nënkryetari i LSI-së, Endrit Braimllari, deputeti i LSI-së, Vangjel Tavo, Kryetarja e Bashkisë së Gjirokastrës, znj. Zamira Rami, Ministër i Shtetit për Çështjet Vendore, z. Bledi Çuçi, etj.

Në vijim të fjalës së tij, z. Rama theksoi se jemi përballë sfidash të mëdha dhe LSI ka lindur si sfidë, është rritur si sfidë dhe do vazhdojë më tej si sfidë për të bërë të mundur përshpejtimin e reformave të integrimit evropian të vendit. ?Prandaj siç e kemi ndjekur edhe dje edhe në vijimësi, qëndrimi ynë ka qenë konstant, qëndrimi ynë ka qenë në kohezion të plotë me interesin publik, me interesin e qytetarëve, por edhe kohezion të plotë me gjithë qëndrimin e partnerëve tanë ndërkombëtare. Prandaj grupi parlamentar, prandaj deputetët e LSI-së në të gjithë qëndrimin e tyre politik dhe ligj bërës në Kuvend janë orientuar vetëm nga interesi publik, vetëm nga interesi qytetar dhe vetëm nga interesat e vendit?, – tha z. Rama duke nënvizuar se: ?Reforma në drejtësi nuk është çështje dëshirash apo interesash, grupi, klanesh, liderësh apo emrash individual. Reforma në drejtësi është detyrim ndaj qytetarëve shqiptarë dhe do të bëhet për të garantuar standarde evropiane të drejtësisë në këtë vend, për të garantuar shërbim europian të çdo institucioni në këtë vend, por edhe për të garantuar ndëshkim evropian për cilindo që i bie në ndesh ligjit dhe nuk i shërben interesave të qytetarëve dhe interesave të vendit. Dhe LSI është e vendosur të kontribuojë maksimalisht për të garantuar konsensusin e nevojshëm që të çojmë në një votim unanim të reformës në Kuvend dhe për të dëshmuar para opinionit publik dhe para opinionit ndërkombëtar që ne dimë të bëjmë zgjidhjet më të mira të mundshme në interes të Shqipërisë?.

Në vijim të fjalës së tij, Sekretari i përgjithshëm i LSI-së u shpreh se reformat e mëdha, kanë nevojë për liderë të mëdhenj, kanë nevojë për njerëz vizionarë, kanë nevojë për njerëz të aksionit, për njerëz të veprimit, për njerëz të fjalës së mbajtur dhe të respektit ndaj qytetarëve të cilët duhet të kuptojnë dhe duhet të ndiejnë një herë e mirë që politika është për tu shërbyer atyre dhe jo që politikanët të sillen si padron apo të humbasin logjikën e orientimit e pushtuar nga nervozizmi të mos dinë çfarë thonë.

 

 

 

 





Lajmet e fundit nga