web counter
LEXO PA REKLAMA!

SHKARKO APP

App Store
Google Play

E fundit!

x

Vili Minarolli letër publike Ambasadorit Donald Lu

11 Qershor 2016, 20:07, Aktualitet CNA

Ish-Ambasadori i Shqipërisë në Austri, Vili Minaroli i është drejtuar me një letër publike Ambasadorit të SHBA-së, Donald Lu.

Minarolli shprehet se në deklaratën e fundit të diplomatit amerikan në emër të institucionit që përfaqëson, kuptohej se i kishte humbur durimi lidhur me negociatat e partive politike në vend për Reformën në Drejtësi.

Ish-ambasadori Minarolli shton se e konsideron të nxituar atë deklaratë, pasi dëshmonte që për amerikanët miratimi i reformës kishte rëndësi të miratohej brenda një afati, pavarësisht nga produkti.

LETRA E PLOTË

Sorry Mr. Ambassador, por më duket se u nxituat.

Po ju shkruaj në respekt të së drejtës time për të shprehur mendimin tim, për një qëndrim që ju e shprehët edhe publikisht në emër të pozicionit tuaj si titullar i përfaqësisë.Por edhe si ish ambasador i vendit tim dhe si ish politikan që në të gjithë veprimtarinë time jam udhëhequr nga qëllimi më i mirë për t?i shërbyer vendit tim dhe me prioritet miqësinë e ngushtë dhe respektin e pakufishëm për vendin tuaj.
Po ashtu e konsideroj vlerë të trashigimisë time familjare, që njerëzit më të afërt janë pushkatuar apo burgosur si kundërshtarë politikë të regjimit komunist dhe si miq të vendit tuaj.
Ju keni marrë një sfidë dhe ndoshta e quani si çelësin e vetëm të zgjidhjes të së keqes që ka kapluar vendin dhe shoqërinë shqiptare. Dhe pas jush edhe qeveria që ju përfaqësoni është angazhuar në këtë qëllim. Ndaj të njejtim mendim se reformimi i sistemit të drejtësisë është një nevojë e domosdoshme për ne dhe shpreh vlerësimin më të lartë dhe më të sinqertë për angazhimin tuaj dhe të përfaqësuesve të vendit tuaj. Dhe e them me bindje se realizimi me sukses i kësaj reforme është edhe merita juaj e pakundërshtueshme. Ashtu siç kam bindjen se vetëm durimi dhe kujdesi, e përsëris kujdesi janë çelësi i suksesit.

Por në deklaratën  e fundit në emër të  institucionit që përfaqësoni dhe jo vetëm, m?u krijua mendimi se ju kishte humbur durimi.Prandaj e quaj të nxituar  atë deklaratë dhe më  dha të kuptoj  se për ju miratimi i reformës kishte rëndësi të miratohej brenda një afati, pavarësisht nga produkti.
Ju folët për fleksibilitet të njërës palë dhe për mungesë të tij nga pala tjetër.Pra e vutë  veten në rolin e gjykatësit. Ndoshta të dyja palët e kanë pranuar këtë rol dhe, nga sa e njoh politikën tonë, unë dhe shumica e shqiptarëve e mirëpresim këtë rol. Në njëfarë mënyre me deklaratën tuaj ju e dhatë vendimin, por jam i sigurtë se një ditë më pas edhe ju jeni bindur se për ç?farë reforme është e interesuar pala që ju e cilësuat ?Fleksibël?. Përfaqësuesit më të lartë të  asaj pale,me një nervozizëm të pazakontë  iu  vërsulën organeve të drejtësisë, të akuzës dhe të gjykimit, ashtu siç nuk kanë guxuar t?u flasin të zgjedhurve të tyre të inkriminuar në parlament apo në qeverisjen vendore. E pse? Sepse ato ishin në të drejtën e tyre ligjore dhe kushtetuese: të hetojnë një vepër që mund të jetë edhe kriminale. Por kjo humbje e qetësisë nga ana e tyre, që vazhdon manifestohet çdo ditë me deklaratat kërcënuese të një zyrtari të lartë, më lë shijen e keqe, besoj edhe juve, për drejtësinë, që kanë në mendje të realizojë mazhoranca me këtë ?reformë?.
Unë zoti ambasador nga ju  mësova se në parlamentin tonë ka deputetë të lidhur me krimin dhe të ngarkuar me vepra kriminale, pra të lidhur me botën e krimit, ashtu siç mësova po nga ju se kishte kandidatë  me rekorde kriminale që më pas u zgjodhën në qeverisjen vendore. Por atë kohë nuk u tha nga zyra juaj  se  njëra palë u tregua fleksibël , kur largoi kandidatin  sipas sygjerimit tuaj ,që dyshohej  për vepra kriminale dhe jo fleksibël për palën që kishte dhe i ka në funksione  disa të tillë. A mund të mendoj se për shkak të humbjes të durimit,  kemi një standart të dyfishtë të ?gjykatësit??
Ndoshta nuk e kam të qartë se përse u përdor nga ju fjala?fleksibilitet? për njërën palë. Nëqoftëse  është fjala për deklarimin e kësaj pale  se po bënin lëshim për pranimin e votimit të ?reformës? me dy të tretat,  me sa di kjo është kërkesë për çdo ndryshim në Kushtetutën tonë.
Ndërsa  tani, me deklaratën e institucionit që ju përfaqësoni, kam mendimin se i hapët dritën jeshile mazhorancës, që të gjejë mënyrat( pra edhe ato mënyra për të cilar reforma nuk i pranon, që drejtësia të jetë një pushtet i pavarur ) për ta votuar  në parlament një reform për drejtësinë  nga ata përfaqësues që ju disa herë na e keni përmendur, se do të kenë punë me drejtësinë si njerëz që kanë abuzuar me fondet publike, të korruptuar, bashkëpuntorë në trafiqe dhe krime të tjera, për lidhje me organizata kriminale dhe me të tjera fenomene që po na shoqërojnë gjatë këtyre  viteve.
Unë mendoj zoti ambassador  se votimi me konsensus, jo vetëm realizon një standart, por na krijon  sigurinë se numri dy të tretat nuk u arrit edhe me votat e atyre që  nesër duhet të kenë punë me drejtësinë e reformuar.
Për këtë arsye  e kisha fjalën kur përmenda nxitimin në krye të  atij mendimi që doja ta ndaja me ju dhe me publikun.
Miqësisht
Dr. Vili Minarolli
Ish ambasador i RSH





Lajmet e fundit nga