E fundit!

21:40 Denoncim

Një vit pritje për 3 milionë borxh, çfarë ndodhi pas ndërhyrjes së “Stop”

Rasti i radhës i transmetuar në emisionin “Stop”, këtë të ...

Haxhinasto flet për rritjen e tarifave nga konçesionari SGS

10 Qershor 2016, 17:56, Aktualitet CNA

Ministri i Transportit dhe Infrastrukturës, Edmond Haxhinasto është përgjigjur lidhur me lajmin se kompania konçesionare e kolaudimit të makinave do të rrisë tarifat e shërbimit. Në një dalje për mediat pas firmosjes së marrëveshjes konçesionare për ndërtimin e një porti jahtesh në portin e Shëngjinit, Haxhinasto tha se mund të ketë një refuzim të kërkesës për rritje të tarifës së kolaudimit të automjeteve.

“Është bërë një kërkesë nga ana e konçensionarit që të bëhet indeksimi I tarifës mbi bazën e kontratës konçensionare që ka, është e drejtë e tyre që një hërë në tre vjet, tarifat të shikohen dhe të reflektojnë indeksin e inflacionit. Ne I kemi kthyer përgjigje që nuk është momenti për të trajtuar këtë rritje si kohë. Por në momentin e duhur ne do të marrim në konsideratë edhe performancën e këtij koncensionari. Do të thotë që do të shikojmë ashtu siç bëjmë në mënyrë të vazhdueshme realizimin e gjithë deryrimeve të këtij konçensionari, për sa I takon detyrimeve të tij në kontratën koncensionare. Nuk mund të them sot se si mund të jetë qëndrimi I Ministrisë në muajin shtator kur është koha e shqyrtimit të tij. Potencialisht vendimi ynë mund të jetë edhe refuzimi I kërkesës për rritje të tarifës. Por sot nuk dua ta paragjykoj. Gjithçka do të varet nga vlerësimi që do të bëjmë në momentin e caktuar .” ka deklaruar Haxhinasto. Lidhur me konçesionin e Rrugës së Kombit, Ministri tha se mund të ketë një tarifë prej 5 Eurosh për makinat që do kalojnë në këtë aks.

“Sa I takon tarifës 5 euro, llogaritja është bërë duke pasur parasysh që të ishte nën mesataren për kilometër të rajonit. Është parashikuar që në të ardhmen në varësi të performancës të konçesionit dhe të rritjes së volumit të kësaj rruge sigurisht, se ka një trend rritës, shteti shqiptar të jetë pjesmarrës në përftim. Është e rëndësishme që të thuhet që edhe popullsia e vendit aty do të përjashtohet nga kjo tarifë, pra s?do të jetë pengesë për lëvizjen e lirë në këtë rrugë, por sigurisht do të jetë e përshkallëzuar nëpërmjet kritereve të caktuara tashmë të njohura, me qëllim që të mos vendoset si pengesë mbi qytetarët që e përdorin këtë rrugë jo për qëllime biznesi.” u shpreh Ministri.

Lidhur me marrëveshjen e lidhur për portin e Shëngjinit, Haxhinasto tha se ky port me kapacitet 200 jahte, do të sjellë zhvillim për zonën si në aspektin e turistik, por edhe të punësimit. Ministri tha se vlera e këtij investimi shkon në 7 milion dollarë dhe porti duhet të jetë operacional brënda 1 viti.