web counter
LEXO PA REKLAMA!

SHKARKO APP

App Store
Google Play

Skandali-Edhe qumështi monopol si nafta/ Fillon hetimi për Lufrën dhe Erzenin

10 Qershor 2016, 16:19, Aktualitet CNA

Dy kompanitë më të mëdha të përpunimit të qumështit dhe nën produkteve të tij janë vënë nën hetim  nga Autoriteti i Konkurrencës, citynews sjell ekskluzivisht një Vendim të këtij institucioni.

Citynews ka mësuar se me një vendim të Komisionit të Konkurencës pranë këtij Autoriteti me vendimin 413 datë 21.04.2016, është vendosur ?Hapja e procedurës së hetimit të thelluar në tregun e përpunimit të qumështit të amballazhuar dhe nënprodukteve të tij, ndaj ndërmarjeve ?Lufra? shpk dhe ?Erzeni? shpk me objekt ekzistencën ose jo të një marreveshje të ndaluar ose abuzim ose jo me pozitën e përbashkët dominuese në tregun përkatës?, shkruhet në vendimin e Komisionit të Konkurencës.

Ky vendim përfshin hetimin për një periudhë 3 mujore dhe nuk mund të zgjasë më shumë se 6 muaj nga marrja e vendimit.

Citynews mësoi se raporti ka disa pika dhe arsye ku është mbështetur për fillimin e këtij hetimi të thelluar.

Vendimi dhe argumentat

Në raport thuhet se janë analizuar të dhënat për 9 ndërmarrje që ushtrojnë veprimtarinë në tregun e qumshtit dhe nënprodukteve tyë tij, dhe ndërmarrjet Lufra dhe Erzeni zotërojnë rreth 75-80% të pjesës së tregut të shitjes sipas sasisë dhe vlerës së shitur në tregun përkatës.

Në pikën 13 të këtij raporti thuhet qartazi se ?vërehet se ndërmarrjet Lufra dhe Erzeni paraqesin dyshime për ekzistencën e një marrëveshje të ndaluar?.

Sipas të njëjtit raport në pikën 145 theksohet se ?Lufra dhe Erzeni aplikojnë çmimet e shitjes me shumicë të këtij produkti me ndryshime shumë të vogla nga njëri-tjetri, çmimet e tyre janë më të larta se të konkurrentëve të tjerë më të vegjël të tregut, si dhe çmimet e shitjes me pakicë janë të caktuara dhe pa luhatshmëri sezonale gjatë gjithë periudhës objekt hetimi?.

Këto kanë qenë argumentat që kanë detyruar Komisionin e Konkurencës pranë Autoritetit të Konkurencës të fillojë një hetim të thelluar në lidhje me ndërmarrjet Lufra dhe Erzeni. Më poshtë dokumenti ekskluziv./citynews





Lajmet e fundit nga