E fundit!

14:51 Aktualitet

Video- Pas më shumë se 5 orësh, Igli Tare del nga SPAK-u

Ish-futbollisti i Kombëtares shqiptare të futbollit, Igli ...

NATO fillon manovra ushtarake në Poloni

7 Qershor 2016, 21:23, Kosova & Bota CNA

Polonia dhe më shumë se 20 vende anëtare të Aleancës së Atlantikut filluan sot një stëvitje ushtarake në shkallë të gjerë, si pjesë e përpjekjeve për të siguruar vendet e Evropës qendrore dhe lindore të cilat janë të shqetësuara nga veprimet e Rusisë në Ukrainën fqinje.

NATO filloi sot manovrat ushtarake, më të mëdhatë ndonjëherë në Poloni, ndërsa vendet e Evropës qendrore dhe lindore po kërkojnë garanci për sigurinë e tyre, mes shqetësimeve që vijnë nga Rusia.Gjenerali Mark Milley është Shef i Shtabit të Ushtrisë amerikane:

?Ushtria e Shteteve të Bashkuara ka një qëllim të vetëm në Operacionin Anakonda dhe ky është uniteti i të gjithëve për të demostruar se jemi krah për krah me popullin e Polonisë, jemi krah për krah me ushtrinë polake dhe krah për krah me NATO-n për të siguruar se të gjitha vendet e aleancës të mbeten të lira dhe të pavarura.?

Kremlini tha se veprimet ushtarake pranë kufijve të Rusisë nuk kontribojnë për atmosferën e besimit dhe sigurisë në kontinent.

?Rusia ka të drejtën sovrane dhe fuqinë për të ruajtur sigurinë e saj përmes metodave që janë të arsyeshme për rreziqet e sotme?, u shpreh shefi i politikës së jashtme ruse, Sergey Lavrov një ditë para fillimit të manovrave.

Tensionet mes Rusisë dhe Perëndimit janë më të lartat që nga fundi i Luftës së Ftohtë. Edhe pse Rusia e kundërshton zgjerimin e NATO-s në ish shtetet sovjetike, Sekretari i Përgjithshëm i Aleancës Jens Stoltenberg, ka theksuar se ?Lufta e Ftohtë i përket historisë dhe ashtu duam të mbetet?.

Ushtria ruse po shqyrton mundësinë e dërgimit të raketave të teknologjisë së lartë, Iskander, në bazën e saj ushtarake më perëndimore të Baltikut, në Kaliningrad, që kufizohet me Poloninë dhe Lituaninë. NATO thotë se prania e saj ushtarake ka natyrë mbrojtëse dhe parandaluese dhe është e përqendruar ndaj kërcënimeve që vijnë nga Lindja e Mesme

Manovrat ushtarake të koduara ?Anakonda-16? që po zhvillohen në Poloni do të zgjasin 10 ditë. Në to marrin pjesë 31 mijë trupave, 3 mijë automjete, 105 aeroplanë dhe helikopterë dhe 12 anije luftarake. Ministri polak i mbrojtjes, Antoni Macierewicz.

?Stërvitja ushtarake Anakonda synon të vërë në provë aftësitë e vendeve anëtare për të mbrojtur krahun lindor të aleancës?.

Në programin e stëvitjeve ushtarake përfshihen edhe operacione si ato të sulmeve natën me helikopterë, ndërtimi i urave dhe mbrojtja ajrore./VOA