E fundit!

12:03 Denoncim

Kompania që ka shkatërruar jugun

Kompania "Gjikuria" është kapur në disa shkelje të rënda. ...

Për 390 Euro, terroristi kapet kur merr asistencën për refugjatët

5 Qershor 2016, 14:07, Kosova & Bota CNA

Njëri nga tre të dyshuarit për planifikim të atentatit terrorist së fundmi në Dyseldorf, duket se ka pasur nevojë urgjente për para. Pse ky hap, kur sipas të dhënave ?Shteti Islamik? ka një pasuri miliardash?

“Follow the money” – ndiq gjurmën e parave – kjo është motoja e hetuesve, kur duan të zbulojnë personat që udhëheqin në prapaskenë një vepër penale. Pra shiko kush ka paguar dhe kush fiton. Në rastin e luftëtarit të IS-it, të dyshuarit Hamza C. duket se burimet financiare paraqiten me probleme. Siriani, i cili erdhi në Gjermani si refugjat kishte me sa duket nevojë urgjente për para. Për të marrë asistencën financiare prej 390-eurosh të shtetit gjerman, Hamza C. u kthye më 1 qershor në Bliesdorf, në landin e Brandesburgut, pas një mungese të gjatë. Autoritetet e policisë e kishin pritur këtë moment prej muajsh, 28-vjeçari i dyshuar për terrorizëm u kap.

Milliona në numrat e llogarisë së IS

Pse ra në rrjetin e hetuesve Hamza C.? Pas kapjes së të dyshuarit, kreu i sindikatës së policisë, Rainer Wendt thotë se asnjë terrorist i IS-it nuk do të kishte nevojë të përdorte gomone apo të vinte me këmbë përmes itinerarit ballkanik, sepse ?IS-i ka shumë para dhe mund të ofronte rrugë të tjera?. Për këtë arsye ai paralajmëroi me një frymë që të mos krijohet një dyshim i përgjithshëm për terroristët.

Nga një analizë e një instituti amerikan, iHS, del se ??Shteti Islamik? ka të ardhura mujore në shumën e 50 milionë eurove. Paratë ai i fiton, sipas të dhënave, përmes tatimeve, vjedhjes, para të marra me detyrim, pjesën tjetër IS e fiton me shitjen e naftës, tregtinë e drogës dhe donacione. Shpenzimet kryesore i përbëjnë rrogat e luftëtarëve në Irak e Siri. Operationet ushtarake të IS në territorin e tij bazë janë shumë më të shtrenjta se atentatet në Europë.

Pyetja mbetet pse një njeri, i cili sipas prokurorisë drejtpërdrejt nga drejtuesit e IS-it kishte marrë porosinë të kryente një atentat në Dyseldorf, ka nevojë për 390-euro duke pasur parasysh fuqinë financiare të Is-it? Pse del ai nga ilegaliteti për këtë shumë? Për udhëheqjen e IS-it nuk duhet të jetë e vështirë të mbështesë financiarisht celulat terroriste në Europë.

Jo para për përkrahësit në Europë

Nga qendra e IS-it nuk derdhen para për Europën. Në këtë përfundim arrijnë studiues si Louise Shelley nga Qendra për Terrorizmin, Krimin dhe Korrupsionin, (TraCCC) e Universitetit Geroge Mason në afërsi të Uashingtonit. Strukturat e financimit janë tërësisht të pavarura, thotë Shelley për DW. ?Nga territori i IS-it ka pasur në vitet e fundit vetëm një transfertë parash në vlerë 5000 euro për terroristët në Europë. Të gjitha paratë e tjera vijnë nga brenda Europës.

Studimet e Shelleyit kanë treguar se celulat terroriste duhet të vetëfinancohen përmes kriminalitetit të vogël si tregun e zi, grabitjeve, shitjen e drogës në nivele të ulta dhe mashtrimin. Shumica e terroristëve që kanë ushtruar atentate në kohët e fundit – qoftë në Bruksel apo Paris -?kanë një të shkuar kriminale në Europë.?

Po qe se kjo qëndron, pra që terroristët duhet të sigurojnë vetë të ardhurat e tyre në Europë, atëherë mund të kuptohet, pse Hamza C zgjodhi rrugën e mundimshme, por pa kosto të lartë përmes itinerarit ballkanik për të ardhur në Europë dhe pse 390-eurot nga shteti gjerman, kanë pasur atë rëndësi, që e bënë atë të dilte nga skuta, ku ishte fshehur./DW