E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm, Besfort Lamallari, ka zbarkuar në Dr...

Papa Françesku, shënjestër e akteve terroriste?

7 Qershor 2016, 21:02, Kosova & Bota CNA

Autoritetet italiane kanë deklaruar se Papa Françesku mund të jetë shënjestër e sulmeve terroriste. Prokurori i antimafias italiane, Franco Roberti, tha se në Itali janë parandaluar një sërë sulmesh si rezultat i bashkëpunimit të Inteligjencës vendase me policinë.

Ndërkohë Britania e Madhe ka paralajmëruar qytetarët e saj të jenë vigjilentë gjatë ndeshjeve të ?Euro 2016? pasi stadiumet, baret , restorantet dhe te gjitha ambientet në të cilat ndiqen ndeshjet janë objektiva potencialë për sulme terroriste.

Papa Françesku mund të jetë një objektiv i mundshëm i sulmeve terroriste. Kështu ka deklaruar Prokurori i Antimafias italiane, Franco Roberti, i cili ka shtuar se në Itali janë parandaluar një sërë sulmesh si rezultat i bashkëpunimit të Inteligjencës vendase me policinë.

Por Prokurori i Animafias italiane nuk ka përjashtuar rrezikun, duke thënë se askush nuk është imun përballë kërcënimit terrorist.

Siguria është rritur në Itali pas kërcënimeve të Shtetit Islamik se Kampionati Europian i Futbollit do të përgjaket dhe jo vetëm në Francë, por edhe në kryeqendrat e kontinentit të vjetër.

Alarmi është dhënë edhe nga autoritetet britanike, të cilat kanë paralajmëruar tifozët e futbollit të kenë kujdes, pasi të gjitha ambientet në të cilat do të ndiqen ndeshjet e futbollit janë shënjestra potenciale të sulmeve terroriste.

Ka qenë Ministria e Jashtme britanike ajo që ka njoftuar qytetarët britanikë se stadiumet, baret dhe fanzonat, ose zonat e tifozëve që do të ndjekin ndeshjet e ?Euro 2016? mund të jenë shënjestra të sulmeve terroriste.

Ministria këshillon të gjithë tifozët e futbollit të tregohen vigjilentë gjatë kampionatit që nis me 10 qershor, transmeton OraNews.

?Scotland Yard? gjithashtu bëri me dije janë diktuar biseda për komplote gjatë kampionatit, ndaj edhe niveli i kërcënimit është mjaft i lartë.

Franca ndërkohë ndodhet në gjendje të jashtëzakonshme, të cilën e shtyu për të tretën herë pikërisht për shkak të kërcënimeve potenciale gjatë euro 2016.

Një ditë më parë autoritetet arrestuan një 25 vjeçar francez pas dyshimeve se po planifikonte 15 sulme në vend.

I riu u arrestua në kufirin mes Ukrainës dhe Polonisë me një arsenal të madh armësh e municionesh.