web counter
LEXO PA REKLAMA!

SHKARKO APP

App Store
Google Play

E fundit!

x

Ministria e Integrimeve: Nuk ka vonim të liberalizimit të vizave për Kosovën

6 Qershor 2016, 22:35, Kosova & Bota CNA

Lajmin se Parlamenti Evropian nuk do të marr vendim për heqjen e liberalizimit të vizave për Kosovën deri në vjeshtën e këtij viti, e ka demantuar Ministria e Integrimeve Evropiane.

Në një prononcim, zyrtarë të kësaj Ministrie kanë thënë se nuk është e vërtet se ka shtyrje të këtij vendimi.

?Nuk është e vërtet se ka shtyrje të vendimit për liberalizimin e vizave për qytetarët e Kosovës. Parlamenti Evropian përkatësisht komisionet përgjegjëse parlamentare, ai për Çështje të Drejtësisë dhe Punëve të Brendshme dhe Komisionit për Punë të Jashtme janë duke e shqyrtuar rekomandimin e Komisionit Evropian për të liberalizuar vizat për Kosovën?, ka thënë Blerta Aliu këshilltare për media në këtë Ministri.

Sipas saj, janë aspektet procedurale të vendimmarrjes ato të cilat duhet përfillur por nuk ka hezitim nga Parlamenti Evropian për të marr vendim në këtë çështje.

?Pra nuk ka hezitim nga Parlamenti Evropian për të marr vendim për këtë çështje por thjesht janë aspekte procedurale te vendimmarrjes të cilat duhet përfillur. Për më tepër procesi është duke ecur sipas planifikimeve edhe procedurale dhe kohore madje nëse bëjmë një krahasim me vende tjera të rajonit në rastin e Kosovës dhe vendeve tjera të cilat janë në prag të liberalizimit të vizave, kemi një dinamikë të re, të përshpejtuar të procesit të vendimmarrjes?, ka thënë Aliu për Indeksonline.

Komisioni Evropian zyrtarisht propozoi heqjen e vizave për qytetarët e Kosovës më 4 maj të këtij viti./Kosova Sot





21:46 Kosova & Bota

Sharmi populist

 Një bashkëbisedim me Anne ApplebaumVetëm pse diçka nuk mund...

Lajmet e fundit nga