web counter
LEXO PA REKLAMA!

SHKARKO APP

App Store
Google Play

Kreu i PS-së Kavajë, i dënuar për trafik droge/ Organizon tubim për të mbështetur përdhunuesin Roshi

31 Maj 2016, 16:44, Aktualitet CNA

Kryetari i grupit parlamentar demokrat, Edi Paloka ka deklaruar se Kreu i Partisë Socialiste në Kavajë është i dënuar për trafik droge. Përmes një deklarate për mediat, Paloka shton se Gentjan Daja  i ka kërkuar socialistëve të mblidhen në shesh në mbrojtje të Elvis Roshit, i dënuar për përdhunim në Itali.

“Edhe më tronditëse bëhet e vërteta rreth të shkuarës kriminale të Roshit të Ramës, modelit të Edi Ramës për bashkitë. Dëshmia e penalitetit që është publikuar sot, e ardhur nga Ministria e Drejtësisë Italiane, thotë se Elvis Roshi është dënuar për ?violenza karnale?, që do të thotë është dënuar për përdhunim.

Pra Roshi që e fsheh, dhe shefi i rilindjes që i del në mbrojtje, mbulojnë një krim të tmerrshëm të kryer nga i zgjedhuri i Ramës. Dhe Edi Rama e njeh italishten. E megjithëse e di, që ka vënë pos të tjerash edhe një përdhunues si kryetar bashkie në Kavajë, u kërkon sot socialistëve të dalin në një demostratë në qytet për ta mbrojtur atë.” shprehet Paloka.

Kreu i Grupit Parlamentar demokrat shton se urdhri për mbrojtjen e përdhunuesit Roshi ka ardhur nga Rama. “Rama u thotë socialistëve të dalin të mbrojnë përdhunuesin. Demonstratën do ta udhëheqë Gentjan Daja, i dënuar për trafik droge, ushtar i Roshit, të cilin Rama e ka caktuar në krye të PS-së së Kavajës. I poshtëroi duke ua vënë Roshin kryetar bashkie, i poshtëroi duke u vënë kryetar partie të dënuarin për drogë, po i poshtëron edhe më shumë sot duke i kërkuar të mblidhen në shesh në mbrojtje të përdhunuesit. Ky është Edi Rama. Ky është modeli i tij. Këto janë standardet e tij.” përfundon reagimi i Palokës.





Lajmet e fundit nga