web counter
LEXO PA REKLAMA!

SHKARKO APP

App Store
Google Play

E fundit!

x

Mentor Kikia: Nuk është faji i Elvisëve, por atyre që i fusin në politikë

31 Maj 2016, 16:26, Aktualitet CNA

Gazetari Mentor Kikia shprehet se është faji i politikës lidhur me emërimin dhe zgjedhjen e njerëzve të inkriminuar. Përmes një reagimi në rrjetet sociale, Kikia shkruan se faji është i politikës që ka nevojën e trafikantëve dhe parave të tyre.

“Elvisi që nuk mbane mend sa herë është dënuar, ai që s?mban mend sa emra ka, dhe të gjithë ata që janë dënuar e arrestuar, brenda dhe jashtë Shqipërisë, nuk kanë asnjë faj. Ata janë krejt normalë në botën e tyre. Si çdo shoqëri, edhe këtu ka hajdutë, trafikantë, banditë, vrasës e përdhunues. Por këtu ndodhi një ?ngatërresë?. Në vend që këta të rrinin në punën e tyre, u përzjenë me politikën, u bënë VIP-a, u bënë deputetë, kryetarë bashkie, u bënë drejtorë, shef kabineti, funksionarë partie. Dhe ky nuk është faji i tyre, por i politikës që ua kishte nevojën atyre dhe parave të tyre.” shkruan gazetari Kikia.

Ai shton se politikës i duhen horrat, pasi kështu rujanë votat nga hajdutët e njëri-tjetrit. Sipas gazetarit Kikia, trafikantët futen në politikë pikërisht sepse u duhet mbrojtje.

“Sepse politikës i duhen horrat, pasi kështu rujanë votat nga hajdutët e njëri-tjetrit. Sepse politikës i duhen paratë trafikantëve për të bërë fushatat që kushtojnë e janë më luksoze se koncertet e Rihanës, dhe mbi të gjitha për të blerë votat e fukarenjve dhe injorantëve të cilëve u drejtohen si ?sovranë?. Ndërsa trafikantët futen në politikë pikërisht sepse u duhet mbrojtje.” përfundon reagimin e tij gazetari Mentor Kikia. 





Lajmet e fundit nga