web counter
LEXO PA REKLAMA!

SHKARKO APP

App Store
Google Play

E fundit!

x

Ilir Meta priti sot në takim lamtumire Ambasadorin e OSBE-së në Tiranë, Florian Raunig

31 Maj 2016, 15:14, Aktualitet CNA

Kryetari i Kuvendit, z. Ilir Meta, priti sot në takim lamtumire Kreun e Prezencës së OSBE në Tiranë, Ambasadorin Florian Raunig.

Kryetari i Kuvendit, Meta i shprehu Ambasadorit Raunig mirënjohjen e thellë të Kuvendit për bashkëpunimin dhe kontributin e shkëlqyer të OSBE-së si dhe për rolin e veçantë drejtues të Ambasadorit Raunig gjatë të gjithë viteve të shërbimit të tij diplomatik në Shqipëri.

Meta theksoi se falë drejtimit të Ambasadorit Raunig, Prezenca e OSBE-së në Tiranë ka kontribuuar ndjeshëm në aktivitetin parlamentar të Shqipërisë, duke mbështetur rritjen e standardeve të transparencës dhe përcjelljen e aktivitetit parlamentar më pranë qytetarëve shqiptarë.

Ambasadori Raunig shprehu vlerësimin për bashkëpunimin e ngushtë mes OSBE-së dhe Kuvendit të Shqipërisë dhe shprehu bindjen se kjo traditë e shkëlqyer bashkëpunim do të vazhdojë të forcohet më tej.

Kryetari i Kuvendit z. Meta i uroi Ambasadorit Raunig suksese në detyrën e tij të re dhe e siguroi atë se dyert e Shqipërisë mbeten gjithnjë të hapura për miqtë e vjetër të vendit tonë.





Lajmet e fundit nga