web counter
LEXO PA REKLAMA!

SHKARKO APP

App Store
Google Play

Pas krimeve të Roshit, së shpejti do publikohet një dënim në Zvicër për trafik droge

31 Maj 2016, 16:35, Aktualitet CNA

Pas publikimit të masës së dënimit për ish-Kryebashkiakun e Kavajës, Elvis Roshi në Itali, një tjetër dënim për trafik droge në Zvicër do publikohet së shpejti. Lajmi bëhet me dije nga deputeti demokrat Oerd Bylykbashi.

Në një reagim në rrjetet sociale, Bylykbashi shkruan se prova madhore e fitores së kauzes se PD erdhi sot kur Elvis Rroshi dha dorëheqjen i detyruar nga ligji i dekriminalizimit.

“Ligji i dekriminalizimit funksionon qe ç’ke me te! Prova madhore e fitores se kauzes se PD erdhi sot kur Elvis Ervin Rroshi dha doreheqjen i detyruar nga ligji i dekriminalizimit. Gjykata italiane e ka denuar me burgim sipas nenit 519 te Kodit Penal per perdhunim. Fshehja e ketij denimi ne formularin e vetedeklarimit perben veper penale me vete sipas nenit 190 te Kodit Penal.Kush denohet sot per perdhunim, ndalohet per jete qe te mbaje funksione publike. Kurdo qe te jesh denuar ne te shkuaren per perdhunim, ndalohesh per jete per te mbajtur funksione publike. Perdhunimi ne te Drejten Romake denohej me vdekje. Per fat jemi ne demokraci dhe kjo nuk ndodh me, por perdhunimin dhe perdhunuesin nuk e pranon askush, aq me pak si funksionar publik!”

Bylykbashki shton se Kryeministri Edi Rama së shpejti do të shohë një dënim në Zvicër për trafik droge. Deputeti demokrat nuk jep detaje lidhur me personin që i është caktuar kjo masë dënimi, ndërsa shton se pas Roshit rradhën për dorëheqje e kanë të tjerë.

“Rama te prese se nuk ka pare ende asgje! Shpejt do te dale ne shesh nje denim ne Zvicer per trafik droge. Radhen per doreheqje e kane te tjere. Turp, turp!” përfundon reagimin e tij deputeti Bylykbashi.





Lajmet e fundit nga